E dënuan me 8 vjet burgim për vrasjen e policit, por gjykatat harruan ta çojnë në qeli Adonis Gashin
Autori: Gazeta inFokus 21:04 | 10 January 2020
Për më shumë se 5 muaj, i dënuari me 8 vjet burgim Adonis Gashi, për ndihmë në kryerje të veprës penale: vrasje e rëndë ishte lënë i lirë nga organet e drejtësisë.
Në mars të vitit të kaluar, Gjykata e Apelit, 4 nga 5 të dënuarve për vrasjen e policit Shemsedin Gashi, ua kishte ashpërsuar dënimin, raporton KTV.
Në mesin e tyre ishte edhe Adonis Gashi, i cili në kohën kur ishte marrë vendimi për dënimin e tij, gjendej në liri pasi që kishte kryer një pjesë të dënimit të dhënë nga Gjykata e shkallës së parë.
Por, që nga muaji mars deri në shtator të vitit të kaluar, as Gjykata e Apelit e as ajo Themelore nuk kishin ndërmarrë asnjë veprim për t’u siguruar që Gashi të shkonte në vuajtje të dënimit.
Ndonëse në vendimin e Gjykatës së Apelit thuhej se Gashit i ishte ashpërsuar dënimin në 8 vjet, aty nuk ishte bërë fare kërkesë që të lëshohet urdhër për ta arrestuar dhe dërguar atë në burg.
Kryetari i Gjykatës së Apelit Hasan Shala, e pranon se në këtë rast, gjyqtarët e Apelit kishin bërë lëshim, duke mos kërkuar arrestimin e tij në momentin e shpalljes së aktgjykimit.
Por, sipas Shalës, lëshimin më të madh në këtë rast e ka bërë Gjykata Themelore e Prishtinës, që sipas tij, nuk është përkujdesur që pas 15 ditësh ta lëshojë urdhërarrestin ndaj Gashit.
Por, Gjykata Themelore në Prishtinë, përmes një përgjigjeje, ka sqaruar rrethanat dhe kohën e lëshimit të këtij urdhërarresti.
Në këtë përgjigje, thuhet se pasi aktgjykimi ishte bërë i plotfuqishëm, Zyra për Ekzekutimin e Sanksioneve Penale të kësaj Gjykate, më 17 qershor kishte lëshuar urdhëresë për paraqitjen në institucionin për mbajtje të dënimit për të dënuarin, Adonis Gashi.
E pas gati një muaj kur Shërbimi Korrektues e kishte njoftuar gjykatën se i dënuari nuk po paraqitej për vuajtje të dënimit, Gjykata Themelore me 1 një muaj e gjysmë vonesë kishte lëshuar urdhërarrest për Gashin.
Sipas nenit 372 të Kodit të Procedurës Penale, trupi gjykues obligohet të lëshojë urdhërarrest, nëse i dënuari me aktgjykim të formë së prerë nuk paraqitet për vuajtje të dënimit ose ikën jashtë vendit.
Ndryshe, Adonis Gashi ishte njëri prej tre personave i cili kishte qëndruar në një qeli me Astrit Deharin, në Qendrën e Paraburgimit në Prizren.
Për këtë, ai është në mesin e disa dëshmitarëve të propozuar që të intervistohen nga Prokuroria Speciale për rastin e vdekjes së aktivistit të Vetëvendosjes.
Të tjera
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...