Lajme

Dyshimet e Ramush Haradinajt: Aksioni policisë mund të jetë kryer për efekte elektorale

Autori: Gazeta inFokus 13:52 | 13 October 2021

Kreu i Aleancës për Ardhmërinë e Kosovës, Ramush Haradinaj, ka kërkuar sqarim nga Qeveria Kurti rreth aksionit të sotëm të Policisë në veri të vendit, shkruan Gazeta Infokus.

Përmes një postimi në llogarinë e tij në facebook, ai ka thënë se veprimet e sotme mund të jenë bërë për fushatë zgjedhore.

“Ne duam të besojmë që aksionet e sotme, të kenë qenë pjesë e planit të rregullt operativ të policisë në ndjekje të krimit. Veç se qeveria e ka për detyrë ta sqarojë edhe opinionin publik edhe veten, për përzgjedhjen e momentit kohor për kryerjen e këtyre operacioneve. Nëse është e mundshme duhet të hiqet çdo dilemë, se këto aksione mund të jenë kryer për efekte elektorale. Në mbështetje të Policisë së Kosovës”, ka shkruar Haradinaj.

-Advertisement-

Ai ka kërkuar që të dënohen personat që kanë sulmuar Policinë e Kosovës.

“Askush nuk ka të drejtë të ngre dorë ndaj policit të Kosovës. Huliganët dhe banditët duhet të burgosën dhe shteti duhet të jetë i pakompromisë ndaj tyre. Secili që sulmon policinë e Kosovës dhe e prish rendin publik, duhet ta marrë dënimin e merituar”, ka thënë mes tjerash kryetari i AAK-së./Gazeta Infokus/

Subscribe në YouTube: GAZETA INFOKUSI