Dy shqiptarë dënohen me burg dhe me “dëbim të menjëhershëm” nga Zvicra
Autori: Gazeta inFokus 22:53 | 20 September 2024
Dy shqiptarë dolën para Gjykatës së Qarkut Wil si “njerëz terreni” të një bande shqiptare të drogës dhe u dënuan me burgim dhe dëbime nga vendi. Megjithatë, sanksionet ishin më të buta sesa kërkoi prokuroria.
Dy 23-vjeçarët kishin udhëtuar për në Zvicër në nëntor të vitit 2023, në një distancë kohore prej 24 ditësh mes njëri-tjetrit.
“Doja të punoja këtu, por shpejt kuptova se kjo nuk ishte e mundur pa dokumente të vlefshme” është shprehur njëri prej tyre të mërkurën përpara Gjykatës së Qarkut të Wil-it, në Flawil. Tjetri qëndroi kryesisht i heshtur, por mohoi se i përkiste një rrjeti shqiptar të drogës.
Të rinjtë ishin takuar bashkë në komunën e Zuzwil-it, ku ata ndanin një dhomë në emër të një organizate shqiptare të trafikut të drogës, shkruan Solothurner Zeitung. Që andej edhe ata u përpoqën me biznesin e tyre, ndonëse jo me shumë sukses. Njëri prej tyre u arrestua nga policia gjatë pazarit të dytë të paligjshëm të drogës, në Flawil. Kur personi tjetër u paralajmërua më pas nga organizata dhe u ngarkua të zhdukte drogën, “kurthi” u hap: ai u kap pikërisht kur ishte gati të largohej nga shtëpia e tyre me një çantë shpine plot kokainë dhe heroinë.
Mbrojtja argumentoi se dyshja ka vepruar me iniciativën e tyre dhe filluan të tregtojnë në mënyrë të ngathët drogë pasi kuptuan se nuk mund të gjenin punë të rregullt në këtë vend. Gjyqtari nuk e besoi këtë. Përkundrazi, krimi i lidhur me bandat kundër ligjit për narkotikët, i cili rrezikon shëndetin e shumë njerëzve, ishte sigurisht ekzistues, sepse “të dy ishin të pranishëm si autorë ndërsa në sfond një bandë vëzhgonte operacionin dhe paralajmëroi njërin prej tyre kur u kap tjetri”, argumentoi gjyqtari.
Më parë, i pandehuri, i cili u kap duke tentuar të shiste në Flawil, kishte marrë të gjithë fajin. Ai shpjegoi se jetonte me një koleg dhe i jepte herë pas here nga pak kokainë, përcjellalbinfo.ch.
Megjithatë, ai nuk ishte i përfshirë në porcione dhe sigurisht as në shitjen e drogës.
Por problemi ishte fakti se gjurmët e ADN-së të gjetura vërtetonin të kundërtën. “ADN-ja u gjet jo vetëm në qeset plastike të destinuara për asgjësim, por edhe brenda pjesës për mbyllje të qeseve”, tha gjyqtari. Dhe kjo e fundit në veçanti sugjeron që të dy ishin të përfshirë në sigurimin e drogës. Aq më tepër që ADN-ja e personit që dyshohet se nuk ishte i përfshirë u gjet në enët (sitë, hinkë, etj) që përdoren për ndarje dhe mbushje.
Në fund, dy shqiptarët, të cilët ende nuk kanë precedentë penalë në Zvicër, u dënuan me 18 gjegjüesisht 20 muaj burgim dhe dy vjet me kusht, për krimin e bandës kundër ligjit për narkotikët dhe hyrjen si dhe banimin e paligjshëm në Zvicër. Gjykata në thelb ndoqi akuzën.
Megjithatë, duke qenë se njëri nga dy të akuzuarit nuk ishte vërtetuar pa dyshim për fakte individuale që dolën nga qëndrimi i mëparshëm në Zvicër, u shpallën të pafajshëm për disa pika, të cilat rezultuan në uljen e dënimit me burg me kusht nga 32 në 20 muaj. Ai gjithashtu duhet të paguajë një gjobë prej 300 frangash ose të kryejë një dënim zëvendësues (në vend të pahesës së gjobës) me burg prej tre ditësh.
Të dy u dënuan po ashtu me dëbim prej pesë vitesh nga Zvicra, i cili do të shpallet në sistemin e informacionit të Shengenit; Në këtë pikë, prokuroria kishte kërkuar dëbime nga vendi për shtatë gjegjësisht tetë vjet, transmeton albinfo.ch.
Të rinjtë duhet të paguajnë edhe shpenzimet procedurale prej 10.487 frangash respektivisht 11.226 frangash. Gjykata urdhëroi që të dy të mbahen në paraburgim deri sa të deportohen në vendin e tyre. Deportimi duhet të bëhet më së voni brenda një muaji.
Të tjera
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...
-
Hamza: Do ta jap maksimumin që PDK të ketë rol kryesor për krijimin e Qeverisë – për koalicion preferojmë partitë në opozitë
Kandidati për kryeministër i PDK’së, Bedri Hamza i është përgjigjur pyetjes s...
-
Osmani flet nga New Yorku: Mora konfirmim të fuqishëm nga presidenti Biden se do të jetë përkrah Kosovës
Presidentja e Kosovës Vjosa Osmani ka folur për rëndësinë e koordinimit dhe b...
-
Kurti takohen me Nënsekretarin e UNDP-së, i tregon për projektet zhvillimore në veri
Kryeministri i vendit, Albin Kurti, është takuar me nënsekretarin e Përgjiths...
-
Parashikimi i motit për të premten
Për të premten parashikohet të mbajë mot me diell dhe shumë i ngrohtë. Era...
-
“Me 9 shkurt e sheh a kena keqkuptu a jo”, Tomë Gashi debaton me Zana Avdiun e Blerim Latifin për sjelljen e qeverisë me aleatët
Blerim Latifi, profesor universitar ka thënë se problem i Kosovës tashmë ësht...
-
“Shqetësuese, kryeministri nuk hyn në Shtëpinë e Bardhë, e ka të ndalume”, Latifi i drejtohet deputetit të Vetëvendosjes
“Ku na çon përplasja me Amerikën”, është tema që të enjten po diskutohet në “...
-
Hamza për deklaratën e Hovenier: Për keqardhje që hisedarët më të mëdhenj të Kosovës i kemi sjell në situatë të tillë
Kandidati për kryeministër nga radhët e PDK’së, Bedri Hamza ka komentuar dekl...
-
“Ka ambasadorë qe s’i njeh as lagjja e vetë edhe gjyshi jem ka thanë me i rujt trojet tona”
Avokati Tomë Gashi tha se gjuhën që e ka përdorë ish-ambasadorja Jacobson dhe...
-
Hamza: Për Kosovën të gjithë me u bo bashkë nuk jemi boll, Serbia e Vuçiqi janë problemi
Kandidati i PDK-së për kryeministër, Bedri Hamza, ka thënë se në tema naciona...
-
“Një letër që ka qenë kërcënuese”, Kusari-Lila flet për bisedën me Milan Radoiçiqin
Shefja e Grupit Parlamentar të Vetëvendosjes, Mimoza Kusari-Lila, është pyetu...