Lajme

Dy politikanë serbë rrihen në mes të qytetit për çështjen e Kosovës

Autori: Gazeta inFokus 22:40 | 01 August 2022

Dy këshilltarë komunal në Apatin të Serbisë raportohet të jenë rrahur sot në qendër të këtij qyteti serb.

Dejan Baçiq nga koalicioni “Moramo” dhe Millorad Mrgja, kryetari i Këshillit lokal nga partia Radikale serbe u rrahën ku shumë qytetarë mbetën të habitur me çfarë po shihnin.

Sipas informacioneve jozyrtare që ka raportuar nova.rs, deri tek rrahja erdhi si pasojë e mospajtimeve në lidhje me çështjen e Kosovës, teksa siç shihet në video ata nuk kursyen asgjë gjatë përleshjes fizike, transmeton lajmi.net.

Deri më tani nuk është raportuar nëse dyshja janë intervistuar nga Policia, teksa në fund të rrahjes një person i tretë shihet teksa ndërhynë për të qetësuar situatën e krijuar.

Video-incizimi është bërë tejet viral në rrjetet sociale, derisa komentues të shumtë kanë shkruar komente satirike për të dy politikanët serbë.

Të tjera