Lajme

Dy oficerë të FSK’së diplomojnë në Britani të Madhe

Autori: Gazeta inFokus 16:05 | 08 September 2017

Ambasadori i Kosovës në Britani të Madhe, Lirim Greiçevci ka njoftuar se sot në Akademinë e Trajnimit Fizik të Ushtrisë Britanike kanë diplomuar dy oficerë të FSK-së, Gentiana Karpuzi dhe Emir Vallas.

“Sot, së bashku me Gjeneral Zymer Halimin dhe Kolonel Naim Hazirin nga Forca e Sigurisë e Kosovës, morëm pjesë në ceremoninë e diplomimit të dy oficerëve të FSK-së, Gentiana Karpuzi dhe Emir Vllasa, në Akademinë e Trajnimit Fizik të Ushtrisë Britanike”, ka thënë Greiçevci.

Sipas tij, bazuar në përzgjedhjen dhe stërvitjen rigoroze, kjo akademi radhitet si një nga programet më të vështira për t’u përfunduar.

-Advertisement-

“Oficerja Karpuzi mori edhe një mirënjohje të veçantë për rezultate të larta në trajnim. Të dy oficerët, të diplomuar sot, do t’i zbatojnë në FSK shkathtësitë e tyre të fituara në këtë akademi prestigjioze, bazuar në standardet më të larta ushtarake”, ka theksuar ambasadori.

Subscribe në YouTube: GAZETA INFOKUSI