Lajme

Dy minatorëve të “Trepçës” u përkeqësohet gjendja shëndetësore, dërgohen në Emergjencë – greva vazhdon

Autori: Gazeta inFokus 13:16 | 27 October 2023

Dy minatorë janë dërguar në Emergjencën e qytetit të Mitrovicës, pas përkeqësimit të gjendjes shëndetësore.

Por edhe përkundër kësaj minatorët e “Trepçës”, do të vazhdojnë grevën, i ka konfirmuar Ekonomia Online, kryetari i Sindikatës së Minatorëve, Ibrahim Jonuzi.

Ai ka përsëritur kërkesat e minatorëve e që janë realizimi i pagave me kohë, shkarkimi i menaxhmentit si dhe sigurim shëndetësor.

-Advertisement-

Jonuzi ka konfirmuar se kanë pasur takim me Bordin, por që nuk kanë gjetur zgjidhje.

Ai u ka bërë thirrje të gjithë personave përgjegjësi që të marrin masa ngase po rrezikohet jeta e minatorëve.

“Mos realizimi i pagës mujore kushtet e punës dhe kemi kërkuar llogaridhënie për dorëheqjen e kryeshefit ekzekutiv si dhe sigurimin shëndetësore. Po bëhet dita e katërt që jemi në grevë. Nga këtu tani i’u bëjë thirrje iu them se dikush duhet të mbaj përgjithësi për jetën e njerëzve që janë atje”.

“Tani sa po vijmë nga një takim mbas katër ditësh me Bordin mbikëqyrës, ke shumë takim tendencioz shumë kërkues, shumë fyes ndaj neve ata ende nuk kanë gjetur vullnetin me i pa njerëzit, njerëz të sëmurë njerëz me vështirësi me frymëmarrje, kokë dhembje për shkak qëndrimit të gjatë, sepse nuk kanë vullnet nuk kanë ndjenja morale njerëzore”.

“Prandaj më nuk ka dialog. Minatorë kanë me qëndruar stoik, por gjendja shëndetësore është vetëm duke përkeqësuar. Greva do të vazhdojë”.

Ndërmarrja “Trepça” për muajin shtator iu ka mbetur borxh minatorëve më shumë se gjysmën e pagës bazë.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme