Lajme

Dy grupe kriminale me shqiptarë kapen në Itali falë letrës së një nëne të shqetësuar

Autori: Gazeta inFokus 08:23 | 03 August 2017

Dy grupe të rrezikshme kriminale, pjesë e së cilës ishin edhe shqiptarë janë goditur sot nga policia e Torinos, falë letrës së një nëne të shqetësuar për djalin e saj 13-vjeçar, që kishte nisur të shpërndante drogë.

Sipas gazetës prestigjioze italiane “La Repubblica”, grupet ishin njëri për hashash, dhe tjetri për kokainë.

Pas letrës për rrezikun që I kanosej 13-vjeçarit, policia italiane ka gjetur një bazë të madhe të organizatës së drogës në Ruffini, Të paktën 16 persona janë të dyshuar, tetë prej të cilëve kanë përfunduar në burg, ndërsa janë sekuestruar më shumë se 120 kg drogë.
“La Republica” shkruan se hetimet nisën në prill të vitit të kaluar, ndërsa arrestimi i parë u krye në fund të muajit shkurt kur u arrestua një 43 vjeçar italian, që kthehej nga Karakasi, atje ku grupi ishte furnizuar me kokainë.

-Advertisement-

Kreu i bandës ishte italiani Marco Giaquinto, 42-vjeç, i arrestuar edhe në vitin 2010 për trafik droge. Ndër të arrestuarit e të dy grupeve të shpërndarësve të drogës janë edhe tre shqiptarë. Shqiptarët e arrestuar janë Zamira Ramke, e lindur në Korçë në vitin 1982, Xhersi Islami, po nga Korça, i lindur në vitin 1991, si dhe Arion Xhafa, i lindur në Shqipëri, 32 vjeç, nën arrest me burg.

Subscribe në YouTube: GAZETA INFOKUSI