Lajme

Dy ditë nga përleshja e armatosur në “Bon Vivant”, në arrati vazhdon të jetë i dyshuari “Duka”

Autori: Gazeta inFokus 10:03 | 07 August 2023

Dy ditë pas përleshjes së armatosur në lokalin “Bon Vivant” në Prishtinë, në arrati vazhdon të jetë personi që u përfshi në ngjarje Dukagjin Nikollaj i njohur me nofkën “Duka”.

Ai ka arritur të ikë nga vendi i ngjarjes dhe policia e ka konfirmuar se një person është në arrati.

Në konfliktin e së premtes humbi jetën një 39 vjeçar, u plagosën gjashtë persona si dhe u lënduan 13 persona.Deputetja britanike për letrën e politikanëve drejtuar SHBA-së, BE-së dhe Britanisë së Madhe: Duam rrugë euroatlantike si për Serbinë ashtu…
Lidhur me rastin, Gjykata Themelore e Prishtinës iu ka caktuar nga një muaj paraburgim A.P për “Vrasje të rëndë” dhe H.G dhe G.Z për “pjesëmarrje në rrahje”, për rastin e vrasjes dhe plagosjeve të premtën mbrëma në lokalin “Bon Vivant” në Prishtinë.

-Advertisement-

Po kush është “Duka”?

Përveç dyshimit se është përfshirë në përleshjen e mbrëmshme në Prishtinë, “Duka” ka të kaluar kriminale edhe në Shtetet e Bashkuara të Amerikës, pasi rezulton njëprej shqiptarëve më të kërkuar nga FBI.

Dukagjin Nikollaj, sipas Byrosë Federale të Hetimeve (FBI), dyshohet të jetë i përfshirë në blerjen e sasive të mëdha të marijuanës nga Kanada dhe shpërndarjen e tyre në zonën e New Yorkut.

“Duka” thuhet të jetë pjesëtarë i organizatës kriminale “Krasniqi Organization”, të dyshuar për trafikim droge dhe vrasje.

Urdhër arresti për “Dukën” është lëshuar në maj të vitit 2010 nën akuzat për shpërndarje të lëndëve narkotike. Ai ka kontrolluar rrethin e drogës nga viti 2003 deri në vitin 2007.

Sipas FBI ai dyshohet të jetë i përfshirë në blerjen e sasive të mëdha të marijuanës nga Kanada dhe shpërndarjen në zonën e Nju Jorkut.

Subscribe në YouTube: GAZETA INFOKUSI