Lajme

Durmishi ia kthen Haradinajt: S’e marr seriozisht, i janë lodhë meshkujt

Autori: Gazeta inFokus 23:52 | 31 March 2022

Edhe zëvendësministri i Infrastrukturës Hysen Durmishi është përfshirë në debatin e veteranëve.

Durmishi ka minimizuar kërcënimin që Ramush Haradinaj i ka bërë mbrëmë Albin Kurtit në lidhje me pagën e veteranëve.

“Unë nuk e marr seriozisht këtë kërcënimin e Haradinajt pasi këtij i janë lodhur meshkujt”, ka deklaruar Durmishi me ironi në “Debat Plus”.

-Advertisement-

Ai thotë se ligji i veteranëve ka shumë të meta dhe duhet rishqyrtuar.

“Ne e dimë se UÇK-ja është themeluar zyrtarisht në vitin 1994. Ligji parasheh benificionet vetëm për tri vite. Shembull komandant Mjekra ishte pjesë e UÇK-së por ai është vrarë në Preshevë dhe si i tillë nuk konsiderohet dëshmor me ligjin e Kosovës. Njëjtë vlen edhe për Tahir Sinanin që u vra në Maqedoni”, tha ai në RTV Dukagjini.

Durmishi i cili vet është veteran i UÇK-së thotë se asnjë subjekt politik në Kosovë nuk ka më shumë veteranë të UÇK-së se Lëvizja Vetëvendosje.

“Gjysma e Kosovës është me vetëvendosjen dhe rrjedhimisht kemi shumë veteranë. Kemi veteranë të luftës në struktura udhëheqëse të LVV-së. Në AAK ka veteranë në struktura, derisa në PDK më nuk ka”.

Ai thotë se nuk është në rregull të akuzohet Vetëvendosje për politika kundër veteranëve të UÇK-së.

Subscribe në YouTube: GAZETA INFOKUSI