Sport

Durmishaj do të luajë për kombëtaren greke

Autori: Gazeta inFokus 10:28 | 04 March 2019

Fiorin Durmishaj do të luajë për kombëtaren greke, tashmë po ndodh diçka që në fakt nuk ishte e vështirë të parashikohej.

Sulmuesi 22-vjeçar i Panionios ka shkëlqyer edhe këtë sezon, me 6 gola në 22 ndeshje kampionati dhe nkvel të lartë loje, ndaj federata greke ka bërë gjithçka për ta bindur të veshë fanellën e kombëtares helene.

Edhe vetë Durmishaj i kishte dhënë më kohë sinjalet, sepse ka luajtur deir te Shqipëria U21 dhe më pas për arsye të ndryshme ka shmangur debutimin zyrtar me kombëtaren e Panucci-t, që nëse ndodhte e bënte “shqiptar” me detyrim.

-Advertisement-

“Fola para pak ditësh me Durmishajn, e pyetja nëse dëshironte të vinte në kombëtare dhe më tha “Po”, ndaj dëshiron të luajë këtu”, shprehet për mediat greke trajneri i Greqisë Angelos Anastiadis.

Drejtori Teknik i Ekipeve Kombëtare, Angelos Basinas, shprehet për këtë çështje: “Kemi biseduar me lojtarin dhe agjentin e tij dhe besoj se javën e ardhshme çështja do të mbyllet pozitivisht”.

Në këtë mënyrë, na largohet një lojtar shumë i talentuar, që do të ishte një alternativë e shkëlqyer në sulmin kuqezi, ku Sadiku, Balaj e Vrioni mbeten zgjedhjet per sulmuesin”pykë”, ndërsa Tahiraj bëhet zgjedhje e detyruar për ndeshjet e radhës, duke parë mungesat që kemi.

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

sport