Rozë

Dua Lipa me dy nominime ‘2017 MTV EMA’, Rita Ora nikoqire dhe një nominim

Autori: Gazeta inFokus 16:08 | 05 October 2017

MTV sot ka publikuar nominimet për çmimet muzikore ‘2017 MTV EMA’. Deh këngëtarja e famshme Taylor Swift udhëheq me gjashtë nominime, përfshirë edhe atë për videospotin më të mirë për këngën “Look What You Made Me Do” dhe për interpretuesen më të mirë, transmeton Zeri.info.

Pason ylli kanadez Shwan Mendes, i cili garon në pesë kategori, ndërsa pasojnë Kendrick Lamar dhe Ed Sheeran me nga katër nominime. Mega-hiti i Sheeran, “Shape of You”, është nominuar në kategorinë e këngës më të mirë, ndërsa konkurrentë i ka këngët “Whild Thoughts” i DJ Khaled, “There’s Nothing Holdin’ Me Back” i Shwan Mendes, hiti i verës “Despacito” nga Luis Fonsi & Daddy Yankee dhe kënga e grupit ‘Clean Bandit’, “Rockabye”.

Por ajo që na intereson më së shumti ne, është nominimi i këngëtares shqiptare Dua Lipa dhe atë në dy kategori. Në të vërtetë, ajo garon në kategorinë “Best Look” dhe ndër konkurrentet direkte, do ta ketë edhe bashkëkombësen e saj Rita Ora.

-Advertisement-

Por kategoria më e rëndësishme që garon Lipa, është ajo e “Interpretueses/it së re më të mirë”, ku përballë do të ketë emrat si Julia Michaels, Khalid, Kyle dhe Rag‘n’Bone Man.

Ceremonia e ndarjes së këtyre çmimeve do të mbahet më 12 nëntor në arenën “The SEE” në Londër dhe ajo që do të jetë interesante, është fakti se nikoqire e kësaj ceremonie të madhe do të jetë këngëtarja shqiptare Rita Ora. Vetë bukuroshja e muzikës ka deklaruar se është e nderuar që do të ketë rastin ta udhëheq këtë ceremoni dhe shpreson se do të jap maksimumin që të gjithë të gjithë të argëtohen në maksimum.

Subscribe në YouTube: GAZETA INFOKUSI