Lajme

Droni rus goditi trenin në Ukrainë, pak minuta pasi kaloi treni me Boris Johnson dhe zyrtarë evropianë

Autori: Gazeta inFokus 20:13 | 13 September 2026

Një dron rus ka goditur një tren pasagjerësh në Ukrainën perëndimore, vetëm rreth dy kilometra larg kufirit me Poloninë, pak minuta pasi në të njëjtën linjë hekurudhore kishte kaluar një tren që transportonte ish-kryeministrin britanik Boris Johnson dhe zyrtarë të lartë evropianë

Sipas BBC, nga sulmi nuk janë raportuar viktima, pasi pasagjerët e trenit ishin evakuuar në kohë, pasi ishte konstatuar kërcënimi. Droni goditi lokomotivën, duke shkaktuar dëme materiale.

Boris Johnson po kthehej nga Kievi, ku kishte marrë pjesë në një konferencë ndërkombëtare. Në të njëjtën rrugë udhëtonin edhe zyrtarë të lartë evropianë të sigurisë, mes tyre Këshilltari Britanik i Sigurisë Kombëtare, Jonathan Powell, si dhe një këshilltar i kancelarit gjerman Friedrich Merz.

-Advertisement-

Treni që transportonte personalitetet e huaja kishte kaluar në zonën ku ndodhi sulmi vetëm pak minuta përpara goditjes.

Moska deklaroi të dielën se kishte goditur “infrastrukturën hekurudhore” në Ukrainën perëndimore, ndërsa incidenti ka shkaktuar reagime të reja lidhur me sulmet e përsëritura ndaj rrjetit hekurudhor ukrainas.

Ish-kryeministri britanik Boris Johnson reagoi ashpër ndaj sulmit, duke vënë në pikëpyetje arsyen e goditjes.

“Nuk e di se çfarë logjike e shtrembëruar e shtyu Putinin të hidhte në erë një lokomotivë treni ukrainase të palëvizshme në kufirin polak këtë mëngjes”, tha Johnson, duke shtuar: “Kur do t’u japim atyre mbrojtjen ajrore që u nevojitet?”

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy