Fokus

Driton Latifi për gjuhën raciste të sllovakëve: Po përdorin parulla luftënxitëse

Autori: Gazeta inFokus 20:50 | 24 July 2019

Analisti sportiv, Driton Latifi, për Gazetën inFokus ka thënë se parullat e tifozëve sllovak të ekspozuara në stadiumin e Bratislavës në duelin Slovan Bratislavës- Feronikeli, janë parulla raciste dhe luftënxitëse.

Përkundër paralajmërimeve nga FIFA, tifozët sllovak në Bratislavë nuk janë përmbajtur nga gjuha raciste dhe  fyese për Kosovën, shkruan Gazeta inFokus.

“S‘ka tradhëti, nuk shitet kosmet as toka e shenjtë serbe”, është njëra nga parullat që shihet në stadium derisa po vazhdonte ndeshja.

-Advertisement-

Latifi ka vlerësuar se këto gjëra janë pjesë e një lufte seciale e Beogradit për të trazuar prezencën e sportistëve kosovarë.

“Këto gjëra janë pjesë e një lufte special, saduket edhe patetike, e Beogradit për të trazuar prezencën e sportistëve tanë kudo që janë, megjithatë mendoj se kjo nuk ka cka t’I shqetësoj futbollistët tanë”, ka thënë Latifi për Gazetën inFokus.

Sipas tij, përfaqësimi i Kosovës dhe identiteti që bartin sportistët kosovarë është përgjigja e tyre ndaj këtyre veprimeve të tifozëve sllovak.

“Përfaqësimi i shtetit dhe identiteti i Kosovës që bartin sportistët tanë është përgjigja më e mirë ndaj mendjeve luftënxitëse serbe që vazhdojnë të mohojnë realitetin e më shumë se 20 viteve të fundit. Shikuesit tanë duhet të jenë të kujdësshëm të mos bin pre e këtyre provokimeve në ndeshjen e kthimit se këtë e duan njerëzit e Beogradit”, shtoi ai.

Sa i përket aspektit sportiv, Latifi ka thënë se Feronikeli është paraqit mirë dhe ka mundësi të kualifikimit.

“ . . që do të ishte përgjigje më e mirë për të gjitha këto gjëra që po përjetojmë”, ka thënë ai.

Ndryshe, Feronikeli e ka humbur ndeshjen e parë të raundit të dytë kualifikues të Europa Leagues nga Slovan Bratislava me rezultat 1:2.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

fokus