Drejtori i BKS-së: I mbyllëm 9114 lëndë
![](https://gazetainfokus.com/wp-content/uploads/2022/04/sami-mazreku-852x460.jpg)
Autori: Gazeta inFokus
13:51 | 28 April 2022
Drejtor i Byrosë Kosovare të Sigurimit (BKS), Sami Mazreku, ka treguar se në momentin kur e ka marrë detyrën e drejtori të BKS-së, më 1 tetor të vitit 2020, ka gjetur 4909 lëndë të pa mbyllura. Sipas tij, deri më 31.03.2022 në BKS kanë ardhur edhe 7059 lëndë të reja, që në total arrijnë në 11,968 lëndë. Deri në fund të muajit mars të këtij viti janë mbyllur 9114, derisa aktive kanë mbetur vetëm 2665
Një numër rekord i lëndëve prej hiç më pak se 9 mijë e 144 janë mbyllur nga Byroja Kosovare e Sigurimit (BKS), nga 1 tetori i vitit 2020, ditë kjo kur ka nisur punën drejtori i ri i BKS-së Sami Mazreku, e deri më 31 mars të këtij viti. Ky numër i madh i lëndëve të mbyllura brenda një periudhe kohore prej 18 muajsh ka treguar përkushtimin dhe angazhimin e menaxhmentit të ri në reformimin krejtësisht të këtij Institucioni të rëndësishëm në vend.
Drejtori i BKS-së Sami Mazreku tregon se më 1 tetor të vitit 2020, kur ka nisur punën si drejtor i BKS-së, kanë qenë 4909 lëndë aktive që i përkisnin viteve 2003 deri më 2020.
Ai më tutje tregon se 7059 lëndë kanë ardhur në Byronë Kosovare të Sigurimit nga 1 tetor i vitit 2020 deri më 31 mars të vitit 2022, duke arritur kështu në 11 mijë e 968 lëndë.
“Falë angazhimit tim të madh, por edhe gjithë stafit, duke punuar në të shumtën e rasteve pas orarit e gjatë ditëve të vikendit, ne brenda një periudhe kohore si asnjëherë më parë kemi arritur të mbyllim 9114 lëndë. Pra, 3743 lëndë të mbyllura deri më 31 mars të këtij viti i përkasin kohës 2003-2020”, ka thënë drejtori i BKS-së Sami Mazreku.
Më tutje ai tregon se sipas vendimit numër 47-25/2020 të Bordit Ekzekutiv të BQK-së, të pranuar më datë 16.10.2020, është kërkuar nga Menaxhmentit i BKS-së që për lëndët aktive të bëhet një plan dinamik, për mbylljen e tyre në një afat prej 3 vitesh, duke filluar nga data 01.01.2021.
Mazreku tregon se deri më datën 31.03.2022, kjo kërkesë e BQK-së është realizuar mbi 76%, në afat kohor rekord prej 15 muajsh.
Sipas vendimit nr. 47-25/2020 të Bordit Ekzekutiv të BQK-së, të pranuar më datë 16.10.2020, është kërkuar nga Menaxhmentit i BKS-së që për lëndët aktive të bëhet një plan dinamik, për mbylljen e tyre në afat prej 3 vitesh, duke filluar nga data 01.01.2021. Nga tabela e mësipërme, deri me datën 31.03.2022, kjo kërkesë e BQK-së është realizuar mbi 76% në afat kohor rekord prej 15 muajsh.
4909 lëndë aktive kanë qenë në Byronë Kosovare të Sigurimit më 1 tetor të vitit 2020, ditën kur ka nisur punën drejtori i ri i BKS-së Sami Mazreku.
7059 lëndë kanë ardhur në Byronë Kosovare të Sigurimit nga 1 tetor i vitit 2020 deri më 31 mars të vitit 2022.
9114 lëndë i ka mbyllur Byroja Kosovare e Sigurimit nga 1 tetori i vitit 2020 deri më 31 mars të vitit 2022.
3743 lëndë të mbyllura deri më 31 mars të këtij viti i përkasin kohës deri më 1 tetor të vitit 2020, para se ta marrë mandatin drejtori aktual i BKS-së Sami Mazreku.
1166 lëndë nga totali i lendeve të pambyllura prej 2665 i përkasin kohës para 1 tetorit të vitit 2020.
76 % e lëndëve të raportuara në BKS nga viti 2003 e deri në fund të vitit 2020 janë mbyllur nga menaxhmentit i ri brenda 15 muajsh.
![](https://gazetainfokus.com/wp-content/uploads/2023/11/artikull-1.png)
Të tjera
-
Parashikimi i motit për ditën e nesërme
Nesër në Kosovë pritet të mbajë mot kryesisht i vranët dhe i ftohtë. Mund ...
-
Tetë të plágosur pas përplasjes së një aeroplani në pistë në Toronto
Një aeroplan është përplasur dhe më pas si duket është rrokullisur në Aeropor...
-
17 vjet shtet – mesazh urimi për Osmanin vjen edhe nga Austria
Një mesazh urimi për nder të 17-vjetorit të Pavarësisë së Kosovës, për presid...
-
Incident në Mitrovicën e Veriut: 12 shqiptarë, 10 prej tyre të mitur – ndalohen nga policia
12 persona, 10 prej tyre të mitur, janë ndaluar sonte nga policia e Kosovës p...
-
Osmanit i vjen urimi për Pavarësi edhe nga Mbreti i Suedisë
Në kuadër të shënimit të 17-vjetorit të Pavarësisë së Republikës së Kosovës, ...
-
Kurti: Pavarësia e Kosovës erdhi si rezultat i një qëndrese të paepur ndaj sunduesit
Kryeministri Albin Kurti tha se Pavarësia e Kosovës ka ardhur si rezultat i n...
-
Nëntë persona të lënduar në një aksident në Klinë
Nëntë persona kanë pësuar lëndime trupore si pasojë e një aksidenti trafiku q...
-
Dr. Haxhi Ibishi, kandidati më i votuar në Klinë me rreth 3,000 vota!
Dr. Haxhi Ibishi është kandidati më i votuar në Klinë, duke fituar besimin ...
-
Presidenti Begaj i kërkon BE-së t’ia heq sanksionet Kosovës, thirrje 5 vendeve anëtare të saj ta njohin pavarësinë
Presidenti shqiptar Bajram Begaj me rastin e pritjes shtetërore për 17-vjetor...
-
Erdogani uron Osmanin me rastin e 17-vjetorit të Pavarësisë së Kosovës
Presidentja e vendit, Vjosa Osmani ka pranuar një mesazh urimi nga homologu I...
-
17 vjet shtet, Osmani: Liria jonë s’ishte e dhuruar, ajo u fitua me gjakun e bijve dhe bijave të këtij vendi
Presidentja e Kosovës, Vjosa Osmani, ka uruar sërish qytetarët me rastin e 17...
-
Grenell ofendohet rëndë nga serbët pasi uroi Pavarësinë e Kosovës dhe e quajti Thaçin “atë themeltar”
Pasi uroi ditën e Pavarësisë së Kosovës, duke shprehur shqetësim për “padrejt...