Dorëzohet Beogradi: Caktohen katër komuna në Serbi, ku do të votojnë serbët e Kosovës
![](https://gazetainfokus.com/wp-content/uploads/2022/03/serbi-696x3921-1.jpg)
Autori: Gazeta inFokus
23:27 | 24 March 2022
Komisioni Republikan i Zgjedhjeve në Serbi ka vendosur sonte që votuesit nga Kosova, në zgjedhjet parlamentare dhe presidenciale serbe të 3 prillit, mund të votojnë në qendrat e votimit në katër komuna të Serbisë – Bujanoc, Rashkë, Kurshumli dhe Tutin.
Ky vendim është marrë për shkak se autoritetet e Kosovës dhe Serbisë nuk kanë arritur marrëveshje për mbajtjen e zgjedhjeve serbe të 3 prillit në Kosovë.
Sipas gazetës serbe “Danas”, disa anëtarë të Komisionit Republikan të Zgjedhjeve (KRZ) kishin vërejtje ndaj këtij vendimi, duke thënë se me këtë shkelen ligjet dhe Kushtetuta e Serbisë.
Ata potencuan edhe çështjen se kush do të organizojë transportin deri në qendrat e votimit dhe kush do ta paguajë atë transport, si dhe kush do të garantojë sigurinë e tyre.
Kryetari i Komisionit Republikan të Zgjedhjeve, Vladimir Dimitrijeviq, tha se KRZ nuk është organ që përcakton nëse “është shkelur Kushtetuta (e Serbisë) apo korniza ligjore”, duke thënë se ky organ vepron në përputhje me kompetencat e tij.
“Është në dorën tonë që të krijojmë një kornizë ligjore në të cilën do të mbahen zgjedhjet për të gjithë votuesit nga zona e Kosovës”, tha ai.
Ai po ashtu tha se mënyra se si do të organizohet transporti i votuesve nuk është në kompetencë të KQZ-së dhe as nuk mund ta konsiderojë këtë.
Dimitrijeviq ka thënë se vendimi është rruga e vetme e mundshme ligjore me të cilën votuesit nga Kosova mund ta realizojnë të drejtën e tyre të votës, pra të votojnë më 3 prill.
Kryeministri Albin Kurti, të hënën gjatë një takimi virtual me ambasadorët dhe shefat e misioneve diplomatike, ka thënë se për mbajtjen e zgjedhjeve presidenciale dhe parlamentare të Serbisë edhe në Kosovë, duhet të ketë një marrëveshje ndërmjet dy shteteve.
Sipas tij, Kosova nuk dëshiron t’ia pamundësojë të drejtën e votës qytetarëve serbë që kanë dyshtetësi, por thekson se në të njëjtën kohë nuk mund të veprohet në kundërshtim me ligjshmërinë dhe kushtetutshmërinë e vendit.
Vendet e QUINT-it kanë reaguar idhur me refuzimin e Qeverisë së Kosovës për mbajtjen e zgjedhjeve të Serbisë në Kosovë, duke thënë se Kosova është ajo që vendos, por thonë se janë të zhgënjyer me vendimin e Qeverisë së Kosovës për të refuzuar një propozim konstruktiv të paraqitur nga QUINT-i.
Kështu thuhet në deklaratën e përbashkët të vendeve të QUINT-it, gjegjësisht të Shteteve të Bashkuara të Amerikës, Gjermanisë, Mbretërisë së Bashkuar, Francës dhe Italisë.
Më 22 mars në Beograd, presidenti serb, Vuçiq u takua me përfaqësuesit serbë të Kosovës, me të cilët bisedoi për vendimin e Qeverisë së Kosovës që të mos lejojë mbajtjen e zgjedhjeve të Serbisë.
Më 3 prill, Serbia do të mbajë zgjedhje presidenciale dhe parlamentare dhe serbët e Kosovës, sipas Vuçiq, do të votojnë në komunat në Serbinë Qendrore.
![](https://gazetainfokus.com/wp-content/uploads/2023/12/414852708_7280633965309387_5391335122745764068_n-1130x635-1.jpg)
Të tjera
-
Rreth 3 mijë qenë endacakë, ka interesim për adaptimin e tyre
Përkundër investimit prej 1.7 milionë euro për zgjidhjen e problemit të qenëv...
-
Sa vite burg rrezikon Sali Berisha? Tregon avokati i tij
Genc Gjokutaj, avokat i kryetarit të Partisë Demokratike të Shqipërisë, Sali ...
-
Seanca plenare e Kuvendit: Deputetët diskutojnë për shëndetin Rriprodhues e raportet e Kosovës me ShBA
Kuvendi i Kosovës sot do të mbajë seancë plenare. Deputetët mblidhen nga ora ...
-
Komuna e Prishtinës pezullon përkohësisht tenderin prej 18 milionë eurosh
Komuna e Prishtinës ka pezulluar përkohësisht tenderin prej 18 milionë euros...
-
Lansohet sot thirrja publike për mbështetjen e konsumatorëve familjarë për investim në pajisje efiçiente për ngrohje
Sot në ora 09:00, Ministria e Ekonomisë, në kuadër të pakos emergjente për en...
-
Joe Biden “tradhton” demokratët, kapet mat duke “mbështetur” Trump
Presidenti Joe Biden veshi për një çast një nga kapelet e kuqe MAGA të ish-Pr...
-
Kyle Walker injoron De Bruynen kur pyetet për lojtarin më të mirë me të cilin ka luajtur te City
Kyle Walker iu bashkua Manchester Cityt nga Tottenham në vitin 2017 dhe që at...
-
“Fitorja e Ukrainës varet nga SHBA”, Zelensky pas takimit me Blinken: Ndikojnë edhe partnerët e tjerë
Presidenti ukrainas, Volodymyr Zelensky, tha se plani i Ukrainës për të mposh...
-
Nis verifikimi nëse ka fëmijë që nuk jetojnë në Kosovë e i marrin shtesat
Proces verifikues për prindër që përfitojnë nga shtesa për fëmijë, ka nisur M...
-
Policia shkatërron sot armët e konfiskuara gjatë aksioneve
Policia e Kosovës sot do të organizojë shkatërrimin e armëve të konfiskuara g...
-
Kuvendi i Kosovës mban sot seancë plenare
Kuvendi i Kosovës mban sot seancë plenare. Në rend dite janë 29 pika, përf...
-
Maqedonci: Sa kohë Radoiçiq është i lirë, veriu nuk është i qetë
Ministri i Mbrojtjes Ejup Maqedonci n ka thënë se perderisa kreu i grupit të ...