Lajme

Donald Trump do t’i bashkohet virtualisht Forumit Ekonomik në Davos

Autori: Gazeta inFokus 13:58 | 23 January 2025

Presidenti i SHBA-së, Donald Trump, do të flasë të enjten me një audiencë ndërkombëtare për herë të parë pasi u kthye në Shtëpinë e Bardhë tre ditë më parë, me një fjalim dhe sesion pyetje-përgjigje në ngjarjen vjetore të Forumit Ekonomik Botëror.

Dita e katërt e mbledhjes vjetore përfshin gjithashtu Javier Milei, presidentin e Argjentinës dhe Muhammad Yunus, laureatin e Çmimit Nobel për Paqen, i cili u bë udhëheqës i përkohshëm i Bangladeshit pasi presidenti për një kohë të gjatë u përzu nga pushteti gjatë një kryengritjeje publike, shkruan AP.

Ekspertët e biznesit dhe teknologjisë do të kenë gjithashtu radhën e tyre. Dario Amodei i Anthropic, krijuesi i modelit të inteligjencës artificiale Claude, dhe shkencëtari kryesor i AI Yann LeCun, ai i Meta-s Mark Zuckerberg, që do të trajtojnë të ardhmen e teknologjisë.

-Advertisement-

Shefja e BE-së Ursula von der Leyen do të merret me tranzicionin energjetik me kreun e Agjencisë Ndërkombëtare të Energjisë, Fatih Birol.

Një ditë më parë, një grup i vogël demonstruesish pro mjedisit organizuan një tubim në të cilin në një pankartë shkruhej “Sun Baby Sun” – një kundërpërgjigje për Trump në favor të energjisë diellore ndaj deklaratës së Trump, i cili tha se  “drill, baby, drill” që i referohej gërmimit të fosileve.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme