Sport

Djemtë e “Bad News Eagles” po luftojnë për gjysmë milioni dollarë

Autori: Gazeta inFokus 16:05 | 09 May 2022

Ekipi shqiptar i “Bad News Eagles”, në turneun më të madh të CS:GO, po luftojnë për të fituar 500.000 dollarë, shkruan Gazeta Infokus.

E këtë shumë të parave do të i fitojnë ekipi i cili do të dalë fitues gjatë këtij turneu.

Vlerat që do të i marrin ekipet fituese nga vendi i parë e deri tek i teti, i kanë bërë publike nga turneu i CS:GO, PGL Antwerp Major, 2022.

“Bad News Eagles”, e të cilët janë në fazat sfiduese kanë filluar ndeshjen e tyre sot me 9 maj e që do të vazhdojnë deri me 12 maj të këtij viti.

Në këtë fazë ku marrin pjesë edhe ekipi nga Kosova, gjithsej 8 skuadrat të cilat janë më të mira do të vazhdojnë garën e tyre në fazën tjetër e cila quhet Legends.

Kështu do të vazhdojë përzgjedhja e ekipeve më të mira deri në fazën finalë e cila është Faza e Kampionëve.

Ekipi fitues apo vendi i parë i këtij turneu do të fitojë 500.000 dollarë, duke vazhduar me ekipin i cili do të dalë i dyti në këtë garë e që do të fitojnë 150,000 dollarë.

Po ashtu vendet e treta dhe të katërta do të i fitojnë nga 70,000 dollarë, duke pasuar edhe nga vendi i pestë deri tek vendi i tetë që do të fitojnë nga 35,000 dollarë.

Ndryshe, Ekipi shqiptar “Bad News Eagles” sot kanë pasur ndeshjen tyre të parë  në këtë turne, të cilët u përballen me ekipin turk, “Eternal Fire”, e ku dolën fitues me rezultat (16:14).

Kujtojmë se para disa muajsh gjatë kohës që lojtarët e “BNE” ishin pjesë e ekipit “BLINK” kishin zhvilluar ndeshje kundër “Eternal Fire” të cilën e kishin humbur me rezultat përfundimtar (2:1)./Gazeta Infokus/

Të tjera

rel="nofollow"