Lajme

Dita e të Pagjeturve, Haradinaj: Plagët e luftës nuk mbyllen pa ndriçimin e fatit të tyre

Autori: Gazeta inFokus 15:53 | 27 April 2022

Kryetari i Aleancës për Ardhmërinë e Kosovës (AAK), Ramush Haradinaj ka thënë se të pagjeturit janë plagë e hapur dhe dhembje e vazhdueshme për Kosovën.

Haradinaj përmes një postimi në llogarinë e tij në Facebook, ka thënë se Dita e të Pagjeturëve shënohet pikërisht në ditën e masakrës në Meje e Korenicë.

“Të pagjeturit janë plagë e hapur dhe dhembje e vazhdueshme për Kosovën. Dita e të Pagjeturve, shënohet pikërisht në ditën e masakrës në Meje e Korenicë ku brenda ditës u martirizuan qindra vëllezër e motra tona, vetëm pse ishin shqiptarë.
Nuk rreshtim së kërkuari dhe së kujtuari. Na mungojnë çdo festë e gëzim. Plagët e luftës nuk mbyllen pa ndriçimin e fatit të tyre”, ka shkruar Haradinaj.

-Advertisement-

Ai ka kujtuar edhe bashkëluftëtarët e tij në përvjetorin e rënies së tyre.

“Gjithashtu sot, në përvjetorin e rënies së bashkëluftëtarëve të mi, Edmond Dabiqaj, Sadri Latifaj dhe Haxhi Tolaj, nderojmë kontributin e fshatit Prejlep në Luftën Çlirimtare, Dëshmorët e Martirët që ia fali lirisë.

Prejlepi ishte në vijën e parë të frontit dhe bëri rezistencën më të mirë që e meritonte agresori.

Sot gjithashtu, kujtojmë bashkëluftëtarët Bekim Thaçi, Fetah Sylejmani, Isuf Dinaj, Muhamet Bardheci, Mustafë Avdullahu, Pëllumb Ademaj, Rexhep Hajdaraj, Shkelzen Brahimaj dhe Xhavit Fetahaj të rënë në betejat e fundit të prillit anekënd Dukagjinit.

Sot e përjetë, përkulje në nderim të sakrificës së Martirëve dhe Dëshmorëve të lirisë”, ka shkruar Haradinaj.

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera

Fokusi

lajme