Lifestyle

Dielli i pranverës ka lënë njolla në fytyrë? Uthull molle dhe qepë

Autori: Gazeta inFokus 12:35 | 13 Maj 2017

Njollat kafe në fytyrë janë një stres i vërtetë. Ato shfaqen për shkak të shpërndarjes në mënyrë të pabarabartë të melaninës në dermën e lëkurës nën veprimin e rrezatimit ultravjollcë.

Tani që dielli i pranverës ka filluar të lërë shenjat e para në fytyrë, janë të shumta trajtimet që ju rekomandohen gjatë kësaj periudhe.

Përveç kujdesit për përdorimin e vazhdueshëm të kremit mbrojtës, edhe një maskë trajtimi natyrale është e këshillueshme të përdoret të paktën një herë në javë.

-Advertisement-

Maskë me uthull molle dhe lëng qepe

Për shkak të përmbajtjes së lartë të aciditetit, uthulla dhe qepa japin rezultat të dukshëm në zbehjen e njollave të errëta në fytyrë.

Acidet që kanë në përmbajtje të dy këta përbërës veprojnë për të ndaluar oksidimin e lëkurës që çon në krijimin e njollave të errëta kafe, por në të njëjtën kohë edhe shpërndan melaninën në mënyrë të barabartë duke bërë që njollat e diellit të zhduken shpejt.