Zyrtarët dhe punonjësit socialë suedezë shpresojnë që partnerët abuzivë nuk do t’i përdorin më duart, do të marrin frymë dhe do të qetësohen duke telefonuar në një “call center” për ndihmë, në një zgjidhje inovatore që pritet t’i japë fund problemeve të zakonshme me sherret në familje në vendin ultra-progresiv.

Linja telefonike ndihmëse është një projekt pilot dy vjeçar i organizuar nga autoritetet lokale në Stokholm dhe në rajonin jugor të Skane, ku gjendet qyteti i tretë më i madh i Suedisë, Malmo.

Shërbimi do të fillojë të pranojë thirrjet nga burrat e dhunshëm në janar. Teksa ndihmat për viktimat e abuzimit tashmë janë të zakonshme, ofrimi i mbështetjes te vetë abuzuesit është një qasje e re, e cila sipas ideatorëve do t’i ndihmojë personat e dhunshmë të kapërcejnë turpin, të bëjnë ndryshime dhe të mos i lëndojnë të afërmit e tyre.

-Advertisement-

“Nuk ka asnjë mënyrë të dukshme për të hyrë në kontakt me ata që suhtrojnë dhunë, por ky projekt mund të ndryshojë këtë gjë”, tha drejtuesja e projektit Christina Ericson për transmetuesin shtetëror SVT.

Punonjësit socialë të trajnuar dhe psikologët do të jenë të gatshëm të këshillojnë dhunuesit që duan t’i japin fund karakterit ekspresiv dhe dëmtimit të partnereve të tyre. Ata gjithashtu do të punojnë me njerëz që përjetojnë mendime për dhunë ndaj të dashurve të tyre dhe t’i ndihmojnë ata për të shmangur fenomenin.

“Disa abuzues janë të vetëdijshëm për veprimet e tyre, dëshirojnë të ndryshojnë mënyrat e tyre, por ngurrojnë që të kërkojnë ndihmë”, thonë organizatorët.

Linja telefonike do të “dërgojë një sinjal” për këta njerëz dhe “do ta zvogëlojë pak turpin”, kështu që ata do të jenë të gatshëm për të kërkuar ndihmë, tha Andrea Hansson, një punonjëse sociale në Qendrën e Krizave në Malmo.

Pavarësisht se sindikata më e madhe e vendit ka prezantuar një “linjë telefonike” në vitin 2016, një raport i BE-së zbuloi se shkalla e dhunës në familje e bën Suedinë të katërtën nga 28 shtetet e BE-së për dhunë ndaj femrave dhe gjysma e grave suedeze të anketuara kanë raportuar dhunë fizike ose seksuale në përgjithësi.

Ky fenomen është quajtur ‘The Nordic Paradox’, pasi ndikon edhe fqinjët më të afërt të Suedisë, Norvegjinë, Finlandën dhe Danimarkën. Të gjitha vendet kanë një vlerësim të shkëlqyeshëm të barazisë gjinore, por çuditërisht kanë edhe nivele të larta të dhunës në familje ndaj grave.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-