Lajme

Dhjetëra shpendë të ngordhur në Plazhin e Vjetër në Vlorë, dyshohet për gripin e shpendëve

Autori: Gazeta inFokus 15:51 | 05 January 2025

Shpendë të ngordhur janë konstatuar në zonën e Plazhit të Vjetër në qytetin e Vlorës, duke ngritur shqetësime për një shpërthim të mundshëm të gripit të shpendëve.

Tre grupe specialistësh veterinerë janë vënë menjëherë në terren në zonat e Plazhit të Vjetër, grykëderdhjen e Vjosës dhe ne Lagunën e Nartës për të marrë mostra nga shpendët e ngordhur, me qëllim përcaktimin e shkakut të ngordhjeve.

Sipas autoriteteve veterinare, dyshohet për praninë e gripit të shpendëve, një sëmundje shumë infektive që mund të prekë shpendët e egër dhe ata shtëpiakë. Mostrat janë dërguar në laboratorin e Tiranës Rezultatet pritet të mbërrijnë brenda tri ditëve.

-Advertisement-

Gripi i shpendëve është një sëmundje virale që transmetohet shpejt mes shpendëve dhe mund të shkaktojë dëme të mëdha për faunën dhe bujqësinë lokale.

Subscribe në YouTube: GAZETA INFOKUSI