Lajme

Dështon avancimi i stafit akademik në UP

Autori: Gazeta inFokus 12:19 | 09 June 2017

Senati i Universitetit të Prishtinës ka rikthyer në Këshillin e Fakultetit të Arteve rastet e stafit akademik të këtij institucioni.

Me këtë vendim, stafi akademik i Fakultetit të Arteve nuk kanë mundësi të zgjedhën apo avancohen meqë sot, më 9 qershor, përfundon afati ligjor i konkursit të shpallur në nëntor të vitit të kaluar.

Arsyeja e rikthimit të këtyre lëndëve sipas prorektorit Naser Sahiti është për shkak të mospërmbushjes së kriterit për punime shkencore të Fakultetit të Arteve.

-Advertisement-

Dekani i Fakultetit të Arteve, Agim Selimi tha se është një keqinterpretim i Statutit nga menaxhmetit për stafin akademik.

“Unë mendoj që është një keqinterpretim i Statutit sepse publikimi në një revistë nuk të bën artist. Ne jemi të forcohen kriteret që një artist t’i ketë pesë ekspozita ndërkombëtare por jo të shkruajmë sepse të tjerët shkruajnë për ne”, tha Selimi.

E Rektori i UP-së, Marjan Dema tha se janë për kritere dhe cilësi.

“Këtu veç një kriter është duke u shtuar, kriteri i cilësisë”, tha Dema.

Por më i ashpër ishte dekani i Fakultetit Filozofik, Bujar Dugolli i cili tha se nuk pret nga matematikanët të vlerësojnë njerëz të e arteve e të filozofisë.

Subscribe në YouTube: GAZETA INFOKUSI