Lajme

Dështimi i serishëm i negociatave për dinarin, Petkoviq para QUINT-it

Autori: Gazeta inFokus 10:16 | 19 April 2024

Pas dështimi të djeshëm të bisedimeve në Bruksel për gjetjen e një zgjidhjeje në lidhje me vendimin e BQK-së për heqjen e dinarit të Serbisë nga përdorimi në Kosovë, sot ambasadorët dhe përfaqësuesit e shteteve QUINT-it në Serbi dhe shefi i Delegacionit të BE-së në Serbi do ta takojnë kryenegociatorin serb në dialogun me Kosovën, Petar Petkoviq.

Sipas njoftimit të zyrës së Petkoviqit, takimi është planifikuar për në orën 13:30 në Beograd.

Petkoviq ka thënë dje, pas takimit të pestë në Bruksel, se ende asgjë nuk kanë lëvizur, sepse “Prishtina nuk dëshiron të arrihet një zgjidhje”.

-Advertisement-

Nga ana tjetër, kryenegociatori kosovar Besnik Bislimi ka thënë se pikërisht Petkoviqi nuk ka dashur të diskutojë për propozimin e Lajçakut, por se vetëm ka ardhur me një propozim të vet nga Beogradi.

Subscribe në YouTube: GAZETA INFOKUSI