Lajme

Dëshmorët e Vitisë nderohen nga komuna

Autori: Gazeta inFokus 11:13 | 05 May 2018

Aktivitetet për nder të 5 Majit- Ditës së dëshmorëve të Komunës së Vitisë, kanë filluar sot me homazhe pranë varrezave të dëshmorëve në Viti.

Me këtë rast një delegacion i kësaj komune në krye me kryetarin Sokol Haliti, kanë vendosur kurora lulesh pranë varrezave të dëshmorëve për të përkujtuar dhe nderuar dëshmorët vitias të cilët ranë për lirinë e vendit.

Homazhe kanë bërë edhe përfaqësues të organizatave të dala nga lufta e UÇK-së, subjekteve politike, të shëndetësisë, policisë, familjar të dëshmorëve, qytetarë të shumtë por edhe të vegjlit e Ansamblit të Këngëve dhe Valleve “Kemajl Azizi” nga Vitia.

-Advertisement-

Përndryshe gjatë ditës së sotme Kuvendit Komunal i Vitisë, do të mbaj edhe një seancë solemne për nder të kësaj dite.

Subscribe në YouTube: GAZETA INFOKUSI