Sport

Deschamps rikthen Martial në kombëtare

Autori: Gazeta inFokus 14:49 | 03 November 2017

Entoni Marsial do të jetë pjesë e kombëtares franceze të futbollit për miqësoret e këtij muaji kundër Uellsit dhe Gjermanisë. trajneri Didie Deschamps zyrtarizoi listën e “Gjelave” për sfidat e nëntorit dhe në të ka jo pak surpriza.

Sulmuesi i Manchester United, Martial nuk luante për kombëtaren e tij që prej tetorit të 2016, por është vlerësuar për paraqitjet me “Djajtë e Kuq”. Transalpinët do të kenë mundësi të përfitojnë edhe shërbimet e kapitenit të Lionit, Nabil Fekir. Ky i fundit ka patur impakt në këto dy muaj në Ligën Franceze dhe pritet të luajë ndaj Uellsit dhe Gjermanisë.

Ndërkohë futbollisti i Sevijës, Stiven N’Zonzi do të debutojë me kombëtaren e gjelave këtë muaj pasi më parë ka provuar vetëm ekipet e moshave. Shans për debutim në fushë edhe për mbrojtësin e Shtutgartit, Pavard.

-Advertisement-

Mungojnë ashtu siç pritej mesfushori Paul Pogba i dëmtuar dhe sulmuesi Karim Benzema në formë optimale, por me ekipin dhe tifozët kundër, për çështje që nuk kanë të bëjnë me sportin. Franca pret Uellsin në “Parkun e Princërve” në 10 nëntor, para se të përballet me Gjermaninë kampione të botës, 4 ditë më vonë.

Subscribe në YouTube: GAZETA INFOKUSI