Deputetja e LVV-së nuk e përjashton mundësinë e ndërprerjes së dialogut me Serbinë
Autori: Gazeta inFokus 22:38 | 08 May 2023
Deputetja e Vetëvendosjes, Arbëreshë Kryeziu-Hyseni nuk e ka përjashtuar mundësinë e ndërprerjes së dialogut me Serbinë, nëse insistohet në draftin e statutit të Asociacionit të prezantuar nga Ekipi Menaxhues.
“Mbetet të shihet se si do të rrjedhë procesi në vazhdim. Çfarë unë e di është që kjo nuk është dëshirë e palës kosovare. Ne nuk dëshirojmë që dialogu të ndërpritet. Por megjithatë po që se kjo është mënyra e vetme për të shkuar përpara atëherë nuk e di se si do të mund të ecim tutje ne në këtë dialog, duke u mbështetur në një dokument të tillë si ai që është prezantuar nga grupi menaxhues. Mbetet të shihet cila do të jetë zgjidhja që do të gjendet në takimet në vijim, qoftë të kryenegociatorëve apo nivelit të lartë politik”, ka thënë ajo në Respublika në Tëvë 1.
Sipas saj edhe Bashkimi Evropian po tregon moskonsistencë kur po vije te puna e Asociacionit të Komunave me shumicë serbe.
“Por këtu e kemi një moskonsistencë të vet Bashkimit Evropian sepse madje vet BE vazhdimisht ka deklaruar që bëjmë thirrje të themelohet Asociacioni por jo një që bie ndesh me Kushtetutën e Kosovës. Nëse edhe ata kërkojnë që të themelojmë diçka që bie ndesh me Kushtetutën, nuk e di si mund të dialogohet. Edhe kryeparlamentari sot e tha shumë mirë që ne fundja edhe do të tërhiqemi fare nga procesi sepse në asnjë mënyrë VV dhe kryeministri Kurti nuk do të pranojë të themelojë një Asociacion me bazë një etnie”, ka deklaruar deputetja në ResPublika në Tëvë 1.
Ajo tutje thotë se janë duke pritur një përgjigje rreth dokumentit dyfaqësh që kryeministri Kurti e ka paraqitur më 2 maj, në kuadër të një draft-vizioni të Asociacionit.
Madje sipas saj Asociacioni është hequr fare si term dhe nga dokumentet e shkruara.
“Ne jemi në fazën kur ende nuk kemi marrë një refuzim për draft-vizionin që është dorëzuar nga kryeministri Kurti. Dhe draft-vizioni s’ka të bëjë me Asociacionin sepse ne nuk po flasim për Asociacion më, pavarësisht që po dëgjojmë thirrje prej ndërkombëtarëve apo palëve të tjera. Megjithatë ne jemi në një pikë ku kemi arritur Asociacionin ta heqim fare qoftë edhe si term, qoftë në dokumentet e shkruara, qoftë në deklaratat publike të zyrtarëve të BE-së. Pra flasim për në mekanizëm tjetër që e dimë se do të quhet vetmenaxhim, për strukturën dhe formatin e së cilit do të mësohet kurdo që palët të ulen dhe të diskutojnë mbi atë se cili mund të jetë modeli më i pranueshëm dhe implementueshëm në Kosovë”, ka deklaruar Kryeziu-Hyseni.
Ajo ka thënë se nëse do të paraqitet një alternativë tjetër nga BE-ja apo shtetet anëtare, Qeveria do ta shqyrtojë atë.
“Mund të vijmë deri në momentin kur të na dorëzohet një alternativë prej Bashkimit Evropian në këtë rast, prej ndonjërit prej shteteve të involvuara në proces, megjithatë tani jemi në momentin kur duhet të marrim përgjigje për draft-vizionin e prezantuar nga kryeminstri Kurti. Pra jemi te alternativa e parë që në këtë rast ka qenë kjo e jonja dhe nëse do të ketë refuzime për të diskutuar mbi këtë draft dhe do të prezantohet një draft tjetër, sigurisht do ta analizojmë në detaje nëse ky draft është në përputhje apo jo me kërkesat tona dhe nëse i kalon apo jo vijat e kuqe që Kosova i ka vendosur në këtë proces”, ka thënë Kryeziu-Hyseni në ResPublika në Tëvë 1.
Të tjera
-
Avokati i Jakup Krasniqit: Një dëshmitar ka thënë se i kujtohet që Rugova i është referuar UÇK-së si “lojë serbe”
Në gjykimin ndaj Hashim Thaçit, Kadri Veselit, Rexhep Selimit dhe Jakup Krasn...
-
Takimi i Kurtit në mbështetje të Sinanit e Mustafit, Çitaku: Po e vazhdon vallen e përçarjes së shqiptarëve
Sekretarja e Përgjithshme e PDK-së, Vlora Çitaku, ka akuzuar kryeministrin Al...
-
Murati del me një sqarim rreth Pilotimit të Skemës së Asistencës Sociale
Ministri i Financave, Hekuran Murati ka dalë me një sqarim rreth Pilotimit të...
-
Gjermania ua zgjat mandatin ushtarëve të saj në Kosovë, vendim vjen pas ngritjes së tensioneve mes Kosovës dhe Serbisë
Kabineti qeveritar i Gjermanisë, nën udhëheqjen e kancelarit të Olaf Scholz, ...
-
Specialja ia vazhdon paraburgimin ish-presidentit Thaçi
Dhomat e Specializuara të Kosovës (DhSK) në Hagë ia kanë vazhduar masën e par...
-
Qeveria gjermane voton pro zgjatjes së mandatit të ushtarëve në Kosovë
Kabineti qeveritar i Gjermanisë, nën udhëheqjen e kancelarit të Olaf Scholz, ...
-
Ademi në Athinë, takohet me kuzhinierin e famshëm turk, Nusret
Presidenti i Federatës së Futbollit të Kosovës, Agim Ademi, po qëndron në Ath...
-
Policia kontrollon Parlamentin Evropian, dyshohet për ndërhyrje ruse
Zyra e prokurorit federal të Belgjikës ka thënë sot se policia ka kryer kontr...
-
Prokuroria parashtron ankesë kundër vendimit të gjykatës për lirimin e Skender Hysenit nga akuza për mosraportim të pasurisë
Prokuroria Themelore në Prishtinë, ka paraqitur ankesë në Gjykatën e Apelit k...
-
Reuters: Kosova përgatitet të strehojë 300 të burgosur nga Danimarka, ngriten shqetësime për të drejtat e njeriut
Në një burg në Kosovën lindore, po zhvillohen plane për të larguar të gjithë ...
-
Dua Lipa e shokuar bën thirrjen e fortë për ndaljen e gjenocidit izraelit në Gaza
Në tetor, artistja nga Kosova me famë botërore, Dua Lipa, ishte një nga shumë...
-
Ministria e Shëndetësisë jep 28 mijë euro për bileta aeroplani
Ministria e Shëndetësisë në krye me ministrin, Arben Vitia ka hapur një tende...