Lajme

Deputeti rus kërcënon Finlandën: Nëse hyni në NATO, jeni caku i rradhë

Autori: Gazeta inFokus 18:41 | 07 April 2022

Një ligjvënës rus ka paralajmëruar Finlandën se do të përballet me pasoja serioze nëse ajo i bashkohet NATO-s, duke thënë se anëtarësimi do ta bënte atë një ‘cak’ valid dhe do të siguronte shkatërrimin e vendit, shkruan Daily Mail, përcjell Periskopi.

Shteti skandinav ka rritur përpjekjet për t’u bërë anëtar i NATO-s, me Ministrin e Jashtëm të Finlandës, Pekka Haavisto, që tha se pozicioni i shtetit të tij do të qartësohet në javët e ardhshme.

Por ligjvënësi Vladimir Dzhabarov nga Shtëpia e Lartë e Rusisë tha se anëtarsimi në aleancë do të “ishte tragjedi e tmerrshme”, me kërcënimet e ngjashme të agresionit në Ukrainë.

-Advertisement-

“Nëse lidershipi i Finlandës vendos për një gjë të tillë, ai do të ishte një gabim strategjik”, tha ai.

“Finlanda që është zhvilluar me sukses gjatë tërë këtyre viteve falë lidhjeve ekonomike dhe tregtare me Rusinë, do të bëhej caku i radhës. Unë mendoj se kjo do të ishte një tragjedi e tmerrshme për të gjithë popullin e Finlandës”, shtoi ai.

Paralajmërimet e tij erdhën pasi ministri Haavisto tha sot se vendet anëtare të NATO-s kanë ofruar ndihmën e tyre për të siguruar procesin e aplikimit.

Mbështetja për Finlandën për t’u anëtarësuar në NATO është rritur që kur fqinji i saj, Rusia, pushtoi Ukrainën.

Subscribe në YouTube: GAZETA INFOKUSI