Lajme

Deputeti i vetëm i VV-së në seancë, kërkon unitet pozitë-opozitë

Autori: Gazeta inFokus 14:20 | 26 October 2023

Deputeti i Lëvizjes Vetëvendosje, Eman Rrhamani, ka kërkuar unitet ndërmjet pozitës dhe opozitës në Kuvend.

Rrahmani, i cili nuk e ka bojkotuar seancën për koeficientin e pagës sikurse bashkëpartiakët, ka thënë se nuk ka asnjë kuptim që të bojkotohen marrëveshjet ndërkombëtare prej opozitës dhe bojkotimi i seancave nga pozita.

“Është një situatë e papranueshme për të gjithë kjo që është duke ndodhur në vendi tonë e veçanërisht në Kuvend. Nuk ka kuptim mosvotimi i marrëveshjeve ndërkombëtare, por s’ka as kuptim bojkotimi i seancave nga deputetët e pozitës. Ajo çfarë po vërej është një polarizim. Është mirë që t’i thërrasin vetes të gjithë, edhe pozita edhe opozita”.

-Advertisement-

“Marrëveshjet janë të Republikës se Kosovës, nuk janë as të pozitës dhe as të Kuvendit. Me bojkotimin e seancave është krijuar një praktikë e rrezikshme. Sa i përket koeficientit të pagave, shpejt vjen Projektligji për buxhetin, aty mundemi me kontribuar secili. Unë qëllimisht nuk u largova për me qëndruar këtu që me dhënë një mesazh nuk duhet të bojkotohen seancat nga kushdo që thirren”, ka thënë Rrahmani.

Subscribe në YouTube: GAZETA INFOKUSI