Shëndetësi

Deodorantët nuk ju rrezikojnë ndaj kancerit të gjirit

Autori: Gazeta inFokus 10:24 | 24 October 2017

Ka një besim të përhapur se antiperspirantët dhe deodorantët mund të çojnë në kancer të gjirit.

Disa pretendime sugjerojnë se deodorantët dhe antiperspirantët, kur aplikohen në zonën e nënsqetullave në afërsi të nyjave limfatike, mund të rezultojnë në kancer të gjirit.

Shqetësimet janë se alumini dhe parabeni i pranishëm në këto produkte lehtë mund të absorbohet nga lëkura dhe të çojë në tumoret e gjirit. Shumë njerëz gjithashtu besojnë se nëse keni ndonjë gërvishtje apo prerje të lehtë pranë gjoksit tuaj (gjatë rruarjes së nënsqetullave) dhe ju përdorni më pas deodorant apo antidepressant mbi zonën, ajo mund të rrjedhje në lëkurë dhe të shkaktojë kancer, transmeton Indeksonline.

-Advertisement-

Por a duhet që në të vërtetë të frikësohemi? A ka lidhshmëri midis përdorimit të deodorantëve dhe kancerit të gjirit?

Përgjigjja është jo. Dr Dhairasheel Savant, mohon faktin se antiperspirantët dhe deodorantët mund të çojnë në kancerin e gjirit. Edhe sipas Shoqatës Amerikane të Kancerit, nuk ka prova shkencore që mbështesin këtë besim.

Në fakt, një studim i publikuar në revistën “Journal Cancer Research” ka kryer një test për të hetuar një korrelacion midis kancerit të gjirit dhe antiperspirantëve. Ata nuk gjetën ndonjë rritje në incidencën e kancerit të gjirit tek gratë që përdorën produktet e tilla.

Studimi arriti në përfundimin se ka faktorë të tjerë që mund të çojnë në kancerin e gjirit, dhe antiperspirantët nuk janë një prej tyre. Megjithatë, sigurohuni që të planifikoni një test të kancerit të gjirit me mjekun tuaj, pasi që më shumë se 50% e grave që vuajnë nga kanceri i gjirit janë në moshën 25-50 vjeçare.

Subscribe në YouTube: GAZETA INFOKUSI