Dënohet me tri vite burgim pasi pranoi fajësinë se tentoi ta vrasë të dëmtuarin
![](https://gazetainfokus.com/wp-content/uploads/2023/08/d-euml-nohet-me-tre-vjet-burgim-mashtruesi-q-euml-shtirej-si-zyrtar-i-dogan-euml-s_hd.jpg)
Autori: Gazeta inFokus
16:33 | 19 December 2023
Gjykata Themelore në Mitrovicë e ka dënuar me 3 vite burgim të akuzuarin Kastriot Veliqi për vrasje në tentativë.
Aktgjykimi ndaj tij është shpallur të martën, nga gjykatësi i rastit, Avni Mehmeti, raporton “Betimi për Drejtësi”.
Sipas aktgjykimit, të akuzuarit në dënimin me 3 vite burgim do t’i llogaritet edhe koha e kaluar në paraburgim.
Paraprakisht, në këtë seancë të shqyrtimit gjyqësor i akuzuari Veliqi e ka pranuar fajësinë, pas leximit të aktakuzës nga prokurori i rastit, Sahit Tmava.
“Po e pranoj fajësinë, dhe njëkohsisht dua t’i kërkoj falje të dëmtuarit dhe familjes së tij për këtë vepër që e kam ba dhe jam borxhli tanë jetën. Nëse kisha mund me ç’ba kisha jap gjithçka në jetë, po rasti ka ndodh”, tha i akuzuari Veliqi.
Me këtë rast, prokurori Tmava i ka propozuar gjykatës të aprovojë pranimin e fajësisë, me arsyetimin se është bërë pa presion dhe me vetëdëshirë nga ana e të pandehurit, dhe se pranimi i fajësisë mbështetet në provat materiale nga të cilat është ngritur aktakuza.
Kurse mbrojtësi i të akuzuarit Veliqi, avokati Mahmut Halimi i propozoi gjykatës që ta aprovojë pranimin e fajësisë nga i akuzuari, me arsyetimin se është bërë me vullnet të plotë të tij dhe se është penduar për rastin.
Edhe përfaqëuesi i palës së dëmtuar, avokati Arbër Fazliu nuk e kundërshtoi pranimin e fajësisë, duke thënë se është në përputhje me dispozitat ligjore të Kodit të Procedurës Penale dhe konsideroi se ekzistojnë prova materiale të mjaftueshme për të cilat ngarkohet i pandehuri.
Më pas, gjykata e miratoi pranimin e fajësisë nga i akuzuari Veliqi, me arsyetimin se është bërë në mënyrë vullnetare, pa presion dhe pas konsultimeve të mjaftueshme me mbrojtësin e tij, po ashtu në përputhje me të gjitha shkresat e lëndës dhe aktakuzën.
Seanca ka vazhduar me paraqitjen e fjalëve përfundimtare, ku prokurori Tmava tha se nga provat materiale që gjenden në shkresa të lëndës, të cekura dhe të arsyetuara në aktakuzë, provohet kryerja e veprës penale nga i pandehuri.
Ai tha se kjo u vërtetua edhe nga fakti i pranimit të fajësisë nga i pandehuri. Andaj, me rastin e shqiptimit të dënimit, prokurori propozoi që gjykata t’i marrë për bazë të gjitha rrethanat rënduese dhe lehtësuese të parapara me ligj, duke përfshirë edhe pranimin e fajësisë.
Ndërsa, avokati Fazliu, si rrethana rënduese propozoi të merret shkalla e lartë e dashjes për kryerjen e veprës penale, shkuarja e të pandehurit te shtëpia e të dëmtuarit me qëllim që ta privojë nga jeta, dhe shmangia dhe mosparaqitja e tij për t’u gjykuar nga gjykata, andaj kërkoi që t’i shiptohet dënim meritor.
Në anën tjetër, avokati Halimi, tha se i akuzuari Velqili dhe i dëmtuari E., jetojnë dhe kanë jetuar edhe në atë kohë në të njëjtën lagje dhe nuk kanë pasur kurrë konflikte deri në natën paraprake para ngjarjes kritike, kur kanë komunikuar përmes rrjeteve sociale, duke e quajtur komunikim i nivelit adoleshent si pasojë e të cilit ka esklauar ngjarja që ka ndodhur.
Ai tha se i akuzuari, e në veçanti familja e tij kanë kontaktuar vazhdimisht me familjen e të dëmtuarit, duke shprehur keqardhje dhe pendim të thellë për të gjitha çfarë kanë ndodhur.
Avokati Halimi tha se i akuzuari kishte shkuar jashë vendit me të dhëna të sakta të tij dhe se largimi i tij ishte bërë shkaku i kushteve të vështira ekonomike.
Kujtojmë, se i akuzuari është ekstraduar nga autoritetet zvicerane, pasi Gjykata Themelore në Mitrovicë fillimisht kishte lëshuar urdhërarrest për të, e më pas edhe letër-rreshtim vendor dhe letër-rreshtim ndërkombëtar.
Ndryshe, Prokuroria Themelore në Mitrovicë, më 6 maj 2019, kishte ngritur aktakuzë ndaj Kastriot Veliqit, me arsyetimin se më 3 prill 2019, në rrugën “Iliria” në Skenderaj, me dashje kishte tentuar ta privojë nga jeta të dëmtuarin E.Z., pasi një ditë më parë, në sheshin në Skenderaj kishin pasur konflikt verbal rreth lojërave elektronike si dhe komunikime nëpërmes rrjetit “Snapchat”.
Siç thuhet në aktakuzë, i pandehuri Veliqi, i pajisur me shkop druri dhe thikë, kishte shkuar te shtëpia e të dëmtuarit dhe e kishte thirrë, posa kishte dalë i dëmtuari para dyerve hyrëse të oborrit të shtëpisë, i pandehuri menjëherë e kishte goditur dy herë me shkop druri në trup, pastaj me thikë e kishte goditur tri herë.
Gjithnjë sipas aktakuzës, i pandehuri i bindur se e ka privuar nga jeta të dëmtuarin, kishte ikur nga vendi i ngjarjes.
Me këtë, akuzohej se ka kryer veprën penale “Vrasje në tentativë”, nga neni 178 lidhur me nenin 28 të Kodit Penal.
![](https://gazetainfokus.com/wp-content/uploads/2023/09/TEB_Visual_Visa-Infinite_WEB-1.jpg)
Të tjera
-
Dakaj: Mos e ofendoni Shqipen për të pastruar Mimozën nga skandali “Brate” e biseda me kriminelin Radojiçiq
Lëvizja Vetëvendosje ka organizuar tubimin për të prezantuar 110 kandidatët q...
-
Atentat me dy të plagosur në Vlorë, plumbat kapin aksidentalisht shitësin e frutave
Dy persona kanë mbetur të plagosur pas një atentati në Vlorë. Objektiv i a...
-
Bedri Hamza për Prishtinën: Unaza e jashtme e kryeqytetit do të kryhet me financimin e qeverisë, pavarësisht sa kushton
Kandidati i PDK-së për kryeministër, Bedri Hamza, ka premtuar të punojë ngush...
-
Bedri Hamza: Pensionet për familjet e dëshmorëve, invalidët dhe veteranët rriten për 50%, u lejohet edhe të punojnë
Kandidati i PDK-së për kryeministër, Bedri Hamza, ka thënë se nuk ka arsye që...
-
Bedri Hamza: Me Fondin e Papunësisë dhe Gjykatën e Punës përmirësohen kushtet e punëtorëve
Kandidati për kryeministër nga radhët e PDK-së, Bedri Hamza, i ftuar në emisi...
-
Bedri Hamza: Autostradat do t’i përfundojë, do të ketë lidhje të reja me to
Kandidati për kryeministër nga radhët e PDK-së, Bedri Hamza, ka folur edhe pë...
-
Hamza: Brengë për mua janë preokupimet e qytetarëve, jo partitë politike
Kandidati për kryeministër nga radhët e PDK-së, Bedri Hamza, i ftuar në emisi...
-
Von der Leyen: Jemi gati të nisim punën e shqyrtimit të aplikimit të Kosovës
Presidentja e Komisionit Evropian, Ursula von der Leyen, ka shprehur gatishmë...
-
Kurti me fjalë të rënda për partitë opozitare, i barazon me Listën Srpska – popullit ia lypë 500 mijë vota
500 mijë është numri i votave që Albin Kurti ka kërkuar nga qytetarët e Kosov...
-
Lajmërohet personi “që kërcënoi” Ramush Haradinajn: Më është keqpërdorur emri im
Gjatë ditës së sotme u raportua për një kërcënim që kishte marrë kreu i AAK-s...
-
Tubimi i VV’së, Kurti përsëri merret me ‘specialitetin’ e tij, i godet ‘studiot televizive’ dhe analistët
Kryeministri i Kosovës, Albin Kurti, ka vazhduar të sulmojë analistët kritikë...
-
Kurti ankohet në tubimin e VV’së: Na kanë sabotuar në këto 4 vite
Kryeministri i Kosovës, Albin Kurti është ankuar në tubimin e VV’së duke thën...