Lajme

Dëmet e tërmetit në Shqipëri, tetë familjeve u kërkohet të largohen nga banesat

Autori: Gazeta inFokus 15:39 | 17 January 2023

Një tjetër ndërtesë është shpallur e pabanueshme në Bulqizë, pasi u dëmtua nga tërmeti i dy ditëve më parë në Shqipëri.

Në pallatin ku banojnë tetë familje dhe ka biznese në katet e para ka nisur puna nga ana e policisë bashkiake dhe ajo e rendit për boshatisjen e ndërtesës. Ndërtesa ndodhet në lagjen e vjetër të qytetit, raporton Top Channel.

Këtë paradite, një pallati që ndodhet në lagjen e re të qytetit iu vendos shiriti dhe banorëve iu kërkua të evakuuoheshin. Një pjesë e tyre u largua, por disa të tjerë shprehen të vendosur për mos të dalë nga apartamentet e tyre.

-Advertisement-

Tërmeti me magnitudë 4.7 të shkallës Rihter u regjistrua të dielën në darkë rreth orës 22:37, ndërsa u pasua nga disa pasgoditje gjatë natës dhe mëngjesit

Subscribe në YouTube: GAZETA INFOKUSI