Lajme

Deliu: Nëse Sveçla qëllimisht i ka nderuar ushtarët serbë atëherë duhet të jap dorëheqje

Autori: Gazeta inFokus 11:17 | 17 November 2022

Deputetja e Partisë Demokratike të Kosovës (PDK), Blerta Deliu, ka thënë nëse ministri i Mbrojtjes, Xhelal Sveçla, ka nderuar qëllimisht ushtarët serbë që kanë kryer krime në vitin 1912-1914 atëherë do të duhej të jepte dorëheqje.

“Sikur nuk mjaftoi skandali i financimit nga Qeverisë i Kosovës të artikullit në revistën franceze ku Kosova përshkruhej si vend i trashëgimisë ortodokse serbe, në pah doli edhe një skandal tjetër, ai i nderimit të një pllake përkujtimore me ushtarë serbë”, ka thënë Deliu në Kuvendin e Kosovës, të enjten.

Ajo i ka kërkuar kryeministrit të Kosovës Albin Kurtit që Xhelal Sveçlës t’ia kërkojë dorëheqjen.

-Advertisement-

Pos për Sveçlën, deputetja e PDK-së ka pasur kritika edhe për ministren e Punëve të Jashtme, Donika Gërvallën.

Kjo pasi Gërvalla e akuzoi Rusinë për sulmin në Poloni, përkundër asaj që fuqitë e mëdha nuk e kishin bërë këtë.

“Njëra prej dilemave kryesore që e kam sot, është se si mund t’i adresohesh një qeveria pa ide, një qeveria pa vizion, pa punë dhe e cila nuk bën pothuajse asgjë çka duhet të bëjë, e kur nis të bëjë e bën mbrapsht, duke lënë pasoja të gjithanshme”, u shpreh ajo.

“Mos na boni hor”, ka përfunduar Blerta Deliu.

Subscribe në YouTube: GAZETA INFOKUSI