Deklarohen nga BE-ja për draft-statutin dhe takimet e ardhshme rreth dialogut Kosovë-Serbi
Autori: Gazeta inFokus 12:05 | 11 May 2023
Bashkimi Evorpian është deklaruar rreth takimeve të ardhshme mes Kosovës dhe Serbisë në Bruksel.
Teksa komentuan takimin e sotëm mes kryeministrit Kurti dhe të dërguarit të posaçëm për dialogun Kosovë-Serbi, Miroslav Lajçak, sipas tyre ky i fundit i tregoi qartë hapat dhe pritshmëritë e ardhshme nga të dyja palët.
Ndërsa, sa i përket deklaratës së fundit të zëdhënësit të Bashkimit Evropian, Peter Stano i cili deklaroi ditë më parë se vendimi për shkarkimin e Ekipit Menaxhues për themelimin e Asociacionit shkel përmbajtjen dhe frymën e marrëveshjeve të dialogut, BE-ja thotë se asgjë s’ka ndryshuar dhe nuk kanë asgjë për të shtuar në lidhje me këtë çështje.
Ndryshe, Zëdhënësi i Bashkimit Evropian, Peter Stano ditë më parë në një konferencë për media është shprehur se Ekipi Menaxhues ka qenë delegacion i pavarur dhe se palët kanë rënë dakord për përbërjen e ekipit.
“Pra, në pyetjen nëse ekipi menaxhues ka qenë pjesë e cilit delegacion, ai ka qenë një delegacion i pavarur, ata janë ftuar të vijnë për t’iu bashkuar takimit për një pikë të takimit të nivelit të lartë të martën, për të prezantuar draft statutin. Ata janë ftuar posaçërisht për prezantimin e këtij statuti, të këtij drafti, dhe nuk kanë qenë pjesë e as delegacionit serb, as delegacionit të Kosovës. Sa i përket përbërjes së ekipit, kjo është në përputhje me marrëveshjet e dialogut, palët kanë rënë dakord për përbërjen e Ekipit Menaxhues, ndërsa anëtarët e ekipit menaxhues janë propozuar nga Serbia, dhe zyrtarisht janë emëruar nga Kosova. Dhe sa i përket pyetjes për vendimin për shpërbërjen e ekipit. Epo, në marrëveshjet e dialogut, thuhet qartë se ekipi menaxhues duhet të jetë derisa të miratohet statuti i Asociacionit të komunave me shumicë serbe. Ajo që ndodhi të martën ishte se ekipi drejtues propozoi dhe dorëzoi draftin e parë. Kjo do të thotë që ne filluam procesin dhe procesi nuk ka përfunduar akoma. Prandaj, vendimi për shpërbërjen e ekipit menaxhues, shkel përmbajtjen dhe frymën e marrëveshjeve dinamike, dhe çdo vendim në lidhje me Ekipin Menaxhues duhet të miratohet në kuadër të dialogut të lehtësuar nga BE-ja.”, ka thënë ai.
Gjatë ditës së sotme është mbajtur edhe një takim me kryeministrit Kurti dhe të dërguarit të posaçëm të BE-së, Miroslav Lajçak, ku ky i fundit tha se kishte një diskutim të rëndësishëm me të sa i përket draft – statutit të Asociacionit dhe se patën një mirëkuptim për këtë proces.
“Kemi diskutuar se si Bashkimi Evropian e sheh procesin e hartimit të draft-statutit në detaje me Kryeministrin dhe besoj se kemi një dakordim mbi këtë proces”, ka thënë Lajçak.
Ai ka thënë se për këtë çështje do të jetë nesër edhe në Serbi për vizitë zyrtare dhe të hënën në Bruksel do të takohet me kryenegociatorët, Besnik Bislimi dhe Petar Petkoviq.
“Është shumë e rëndësishme që të kemi një mirëkuptim për hapat që do të marrim dhe patëm një diskutim të rëndësishëm. Të njëjtin do ta kem edhe nesër në Beograd dhe do të takoj dy kryenegociatorët, Bislimin dhe Petkoviq të hënën në Bruksel. Të dy palët duhet të përkushtohen në normalizimin e marrëdhënieve”, ka thënë Lajçak.
Të tjera
-
Sulmi i Banjskës, ky është hoteli që u bë burim informatash për Kosovën dhe hetimin
Një kompleks turistik në fshatin Banjskë, ku veç tjerash mysafirët shkonin pë...
-
Deklaratat se do të kalojnë 50%, Balje me mesazh për Kurtin: “Kanihere pazari që e bën brenda në shtëpi nuk të del ashtu edhe jashtë shtëpisë”
Deputetja e Kuvendit të Kosovës, Duda Balje ka komentuar deklaratat publike t...
-
Presidenca ndan momente nga ceremonia në Gjermani ku Osmani përshkruhet si “pasuese e Rugovizmit”
Presidentja e Kosovës, Vjosa Osmani, është shpërblyer në Gjermani me çmimin M...
-
Reagon asamblisti i LDK-së pas përplasjes me Bulliqin: Po përdoren mekanizmat e shtetit për të arrestuar njerëz
Asamblisti i LDK-së në Podujevë, Ekrem Rrahmani, ka reaguar pas përplasjes së...
-
Pak para adresimit të Vuçiqit, Kurti del me reagim: Në koordinim me Rusinë po përgatit kërcënime të reja, nuk trembemi
Kryeministri Albin Kurti ka thënë se presidenti serb, Aleksandar Vuçiq, në ko...
-
“Përgatitemi për çdo gjë”, e konfirmon Vuçeviq, Serbia pranë rikthimit të shërbimit ushtarak me detyrim
Kryeministri serb Millosh Vuçeviç ka konfirmuar zërat e muajve të fundit, që ...
-
PDK mban mbledhjen e Kryesisë: Kosova ka nevojë për një kryeministër si Bedri Hamza me 9 shkurt
Partia Demokratike të Kosovës (PDK) ka mbajtur sot mbledhjen e radhës të Krye...
-
“Serbia refuzoi takimin trepalësh”, Bislimi i bën thirrje Lajçakut t’i demantojë mediat serbe
Kryenegociatori i Kosovës, Besnik Bislimi, ka deklaruar se Kosova ka pranuar ...
-
Si i fitoi miliona euro tenderë ndër vite Milan Radojiçiq nga institucionet e Kosovës?
Aktakuza e ngritur të mërkurën për rastin e Banjskës, duket se do t’i hap rrr...
-
Osmani takon ambasadorin Guerot, flasin për zhvillimet e fundit në fushën e sigurisë
Presidentja e Kosovës, Vjosa Osmani, ka pritur sot në takim ambasadorin e Fra...
-
Në Gjakovë identifikohet një lokacion i mbjellë me bimë nạrkotikẹ
Në brezin kufitar me Shqipërinë, në një zonë të thellë malore Policia e Kosov...
-
“Edhe gratë vdẹsin për atdhe”, Maqedonci fton të rejat t’i bashkohen FSK-së
Ministri i Mbrojtjes, Ejup Maqedonci, u ka bërë thirrje të rejave që të aplik...