Deklarata e Scholz, Rama: Ballkani i Hapur është një njësi e zbatimit të Procesit të Berlinit
![](https://gazetainfokus.com/wp-content/uploads/2022/06/edi-rama-1.jpg)
Autori: Gazeta inFokus
23:54 | 10 June 2022
Kryeministri i Shqipërisë, Edi Rama ka folur për mbi zhvillimet në Samitin vjetor të Procesit të Bashkëpunimit të Evropës Juglindore (SEECP), në Selanik.
Gjatë një interviste të dhënë për TVSH, se në fokus të samitit ëhstë diskutuar për situatën aspak të lehtë, përkundrazi tejet të jashtëzakonshme, për shkak të luftës në Ukrainë, të pasojave në ekonomi, të perspektivës afatshkurtër dhe afatmesme përsa i përket të dyja këtyre aspekteve e natyrisht marrëdhënieve të Bashkimit Europian me Ballkanin Perëndimor, me Ukrainën, Moldavinë, Gjeorgjinë ku ka pasur edhe një diskutim natyrisht mbi Këshillin e ardhshëm Europian dhe situatën e bllokuar ende e sot e gjithë ditën nga Bullgaria, por kemi folur dhe për Ballkanin e Hapur.
Sa i përket deklaratave të kancelarit gjerman Olaf Scholz, i cili ka lajmëruar një samit të radhës të vendeve të Ballkanit Perëndimor, nisma e Berlinit që njihet, Rama tha se procesi i Berlinit dhe Ballkani i Hapur nuk janë dy nisa kundërshtuese.
Pjesë nga intervista:
Pyetje: – Zoti Kryeministër, ku u përqendruan diskutimet në panelin e liderëve në këtë Samit këtu në Selanik?
Kryeministri Edi Rama: Ky ishte një samit i një nisme e cila ka një stafetë nga shteti në shtet prej shumë vitesh. Greqia drejton nismën dhe në fund është dhe një takim i liderëve, i cili përgjithësisht fokusohet tek aktualiteti. Sot kemi pasur natyrisht në fokus situatën aspak të lehtë, përkundrazi tejet të jashtëzakonshme, për shkak të luftës në Ukrainë, të pasojave në ekonomi, të perspektivës afatshkurtër dhe afatmesme përsa i përket të dyja këtyre aspekteve e natyrisht marrëdhënieve të Bashkimit Europian me Ballkanin Perëndimor, me Ukrainën, Moldavinë, Gjeorgjinë ku ka pasur edhe një diskutim natyrisht mbi Këshillin e ardhshëm Europian dhe situatën e bllokuar ende e sot e gjithë ditën nga Bullgaria, por kemi folur dhe për Ballkanin e Hapur.
Pyetje- Zoti kryeministër, ka patur një deklaratë së fundmi të Kancelarit gjerman Scholz i cili po viziton e po zhvillon turin në Ballkan, i cili ka lajmëruar një samit të radhës të vendeve të Ballkanit Perëndimor, nisma e Berlinit që njihet, çfarë të reja priten nga kjo dhe deri kur të ndodhi ky samit do ketë zhvillime të reja për Shqipërinë dhe Maqedoninë të cilat presin datën 23 qershor?
Kryeministri Edi Rama: Natyrisht që rimarrja e Procesit të Berlinit pas ndryshimit në kancelari dhe riangazhimi i Kancelarisë dhe personalisht i kancelarit gjerman për Procesin e Berlinit është një lajm i mirë. Procesi i Berlinit është një le të themi, vijë sjelljeje e vendeve të Ballkanit Perëndimor dhe është një hapësirë ku janë vendosur si të thuash ato piketa të cilat janë objektiva konkretë dhe nxitje për punë konkrete në Ballkanin e Hapur. Pra, Procesi i Berlinit dhe Ballkani i Hapur jo vetëm që nuk janë dy nisma kundërshtuese, nuk janë as dy nisma konkurruese, po janë dy nisma komplementare ku njëra është në një nivel parimor, tjetra është në nivel konkret. Ballkani i Hapur është një njësi e zbatimit të Procesit të Berlinit.
Pyetje- Ka patur deklarata shumë të fuqishme edhe të kryeministrit Mitsotakisi cili është vend organizues i Samitit të sotëm në lidhje me integrimin e shpejtë të Ballkanit Perëndimor, e veçanërisht të Shqipërisë e Maqedonisë së Veriut. Si e vlerësoni qëndrimin e tij dhe a pritet që kjo të ndikojë?
Kryeministri Edi Rama: Greqia ka qenë përgjithësisht, pavarësisht ndonjë fazë, marrëdhëniet bilaterale nuk kanë qenë në nivelin më të lartë, por edhe atëherë kur ka rënë fjala për integrimin dhe për ecurinë e procesit të integrimit, Greqia ka mbajtur gjithmonë një pozicion kryesor në tryezën e Këshillit Europian dhe nuk e kam dëgjuar deklaratën e kryeministrit grek të cilës i referoheni, por sigurisht ai ka folur dhe në takim për këtë, por nuk jam aspak i çuditur, përkundrazi është gjëja e natyrshme që Greqia ka bërë vijimësisht.
Pyetje- Duke qenë se Bullgaria është një nga vendet themeluese të kësaj nisme të bashkëpunimit me Europën Juglindore, a pati sinjale relaksuese gjatë takimit të sotëm?
Kryeministri Edi Rama: Çështja e Maqedonisë së Veriut është një çështje e politikës së brendshme bullgare, që do të thotë është nga ato çështje që janë gjithmonë më të komplikuara sesa duken dhe për më tepër janë të lidhura me interesa të politikës së brendshme, shumë më tepër sesa me thelbin e vetë çështjeve.
![](https://gazetainfokus.com/wp-content/uploads/2023/06/Screenshot_2-12.png)
Të tjera
-
23 vjet nga ekstradimi i diktatorit Sllobodan Millosheviq në Hagë
Ish-presidenti i Serbisë, Sllobodan Millosheviq, i cili njihet edhe si kasapi...
-
Ish-hetuesi i policisë flet për të arrestuarin për spiunazh, thotë se punoi me të për 10 vite
Murat Mehmeti, ish-hetues i Policisë së Kosovës, ka zbuluar detaje të rëndësi...
-
Kurti sot mbledhë ministrat
Kryeministri i Republikës së Kosovës, Albin Kurti, merr pjesë në hapjen solem...
-
Mot me diell, temperaturat deri në 30 gradë
Instituti Hidrometeorologjik bën të ditur se sot në Kosovë do të mbajë mot me...
-
Deputeti i PDK-së flet për takimin me ambasadorin Berishaj, tregon pse e publikoi fotografinë që bëri bujë
Deputeti i Partisë Demokratike të Kosovës, Hisen Berisha i cili javën që shko...
-
Cilat janë rregullat e debatit presidencial Trump-Biden? Ndalohen rreptësisht…
Presidenti amerikan Joe Biden do të përballet sot me paraardhësin e tij në Zy...
-
Mbërrin në Kosovë edhe grupi i pestë i haxhilerëve
Këtë mbrëmje ka ateruar në Kosovë edhe grupi i pesë i haxhilerëve, që këtë vi...
-
Rohde i cilëson si “ngarkesë” 3 kushtet e djeshme të Kurtit – Serbia po e shkel nenin 4 të Marrëveshjes Bazike
Ambasadori i Gjermanisë në Kosovë, Jorn Rohde, e ka komentuar takimin e djesh...
-
Serbi i arrestuar për spiunazh filmonte fshehurazi policinë e KFOR-in, është agjent rezident i BIA-s
Aleksandër Vlajiq, shtetas serb i Kosovës, është arrestuar mbi dyshimet për s...
-
BE pas ndalimit të Festivalit “Mirëdita…”: Zhgënjyese, kjo iniciativë është pjesë e rëndësishme e normalizimit
Zyra e Bashkimit Evropian në Serbi ka reaguar pasi u ndalua mbajtja e festiva...
-
Arrestohet një i mitur për fajde në Lipjan, përfundon në ndalim policor
Një aksion i Policisë i zhvilluar në Lipjan ka rezultuar me arrestimin e një ...
-
“Nuk e keni kalu traumën e GJND-së” – Zëvendësministri Vokrri ballafaqohet me ish-ministrin e jashtëm serb
Zëvendësministri i i Ministrisë së Administrimit të Pushtetit Lokal, Arbër Vo...