Sport

Deklarata e Mirel Josës pas humbjes nga Llapi

Autori: E.M 17:02 | 02 March 2019

Prishtina e ka pësuar edhe humbjen e dytë në Superligë në stinorin pranveror, shkruan Gazeta inFokus.

Kryeqytetasit u mposhtë nga Llapi më rezultat minimal 1-0, ndërsa pas ndeshjes foli edhe trajneri i bardhekaltërve, Mirel Josa.

“Gjërat janë komplikuar, por asgjë nuk ka përfunduar. Është shumë keq që humbëm sot, sidomos pas një pjese të parë që duhej të realizonim, duhej të ishim më të dendur në zonën e kundërshtarit. Në pjesën e dytë skuadra e humbi qetësinë, megjithëse janë disa momente që duhej të ruanim qetësinë dhe jo të luanim me topa të gjatë për të arritur në zonën e kundërshtarit. Te goli i realizuar duhej të kishim koordinim më të mirë me Dallkun dhe Bekteshin”, deklaroi Josa.

-Advertisement-

55 vjeçari gjithashtu foli edhe për duelin e radhës ndaj Feronikelit në mesjavë, teksa mundohet ta largojë presionin nga futbollistët e tij para këtij dueli.

“Kjo humbje nuk do të ndikojë për duelin e radhës ndaj Feronikelit. Duhet ta marrim me qetësi dhe ti zgjidhim problemet që kemi, sidomos pas kartonëve që morëm sot”, potencoi Josa.

Në fund ai komentoi edhe ndëshkimin që i erdhi në këtë ndeshje nga një ish-futbollist i tij.

“Nuk më vije keq fare që shënoi Januzi. Ai vitin e kaluar ishte lojtarë i yni, këtë vit është lojtarë i Llapit, ndaj kështu e ka futbolli”, mbylli Josa.

Kjo humbje e le Prishtinën pesë pikë prapa Feronikelit, më te cilin takohet të mërkurën në “Fadil Vokrri” në Prishtinë./Gazeta inFokus/

Subscribe në YouTube: GAZETA INFOKUSI