Lajme

Dega e AAK-së në Pejë sot në takim me diasporën (Foto)

Autori: Gazeta inFokus 10:16 | 29 July 2017

Kryetari i degës së Aleancës për Ardhmërinë e Kosovës në Pejë, Gazmend Muhaxheri do të zhvillojë sot një takim me diasporën pejane në hotelin Dukagjini të këtij vendi.

Takimi pritet të fillojë prej ores 11:00, transmeton Indeksonline.

Dega e AAK-së në Pejë ka shprehur shqetësimin e saj që ta bëjnë këtë takim me diasporën ku edhe do të bisedohet rreth aktualiteteve të ndryshme politike.

-Advertisement-

Komunikata e plotë e AAK në Pejë:

Të humbur nga paniku i humbjes – Komuna e Pejës dhe kryetari Gazmend Muhaxheri, po manipulojnë duke tentuar të politizojnë për qëllime elektorale edhe bashkëatdhetarët.

Pas politizimit të të gjitha poreve të jetës në komunën e Pejës, nisur nga administrata, kultura, arsimi, sporti, shëndetësia, tashmë komunarët e Pejës të prirë nga Gazmend Muhaxheri një praktikë të tillë të rrezikshme po e aplikojnë edhe me Diasporën duke përdorur takimet me bashkëatdhetarët për qëllime politike-elektorale.

Në këtë kuadër, AAK – Dega në Pejë shprehë shqetësimin e saj, ndaj një ftese publike që Komuna e Pejës e ka bërë, në drejtim të bashkëatdhetarëve për një takim të sotëm, e në të cilin bëhet thirrje për bashkëbisedim rreth, siç thuhet në ftesë mes tjerash, ‘Aktualiteteve politike’.

AAK – Dega në Pejë i bënë thirrje Gazmend Muhaxherit, që duke përdorur autoritetin zyrtar të mos manipulojë edhe me diasporën, meqë kjo shtresë e popullatës tonë, është ndër pjesët më të shenjta dhe më meritore e kontributdhënëse në ndërtimin e shtetit në të gjitha periudhat.

Gazmend! Diaspora jonë, nuk ka nevojë për tubime elektorale. Bashkëatdhetarët kanë nevojë për mikpritje, lehtësim procedurash administrative, lehtësim në qarkullim trafiku në qytet, e jo kaos siç e ke bërë, dhe mbi të gjitha bashkëatdhetarët tonë kanë nevojë për mos tentim manipulimi politik nga ana yte.