Uncategorized

“DeepSeek” hedh modelin e ri të imazheve

Autori: Gazeta inFokus 10:35 | 30 January 2025

Investitorët rivlerësuan ndikimet ekonomike të modeleve që po përparojnë me shpejtësi të kompanise së re kineze të teknologjisë “DeepSeek”, duke përfshirë prodhueshin e imazheve të sapopublikuar “Janus-Pro-7B”.

Kompania me bazë në Hangzhou, njoftoi se modeli i saj i ri e tejkalon “DALL-E 3” të “OpenAI” në standarde, ndërsa aplikacioni i saj ndihmës “DeepSeek” e ka kaluar “ChatGPT” në shkarkimet ne “App Store” në ShBA. “DeepSeek” shpalli gjithashtu se kishte kufizuar përkohësisht regjistrimet e përdoruesve të rinj pas një sulmi

“Nëse është e vërtetë që ‘DeepSeek’ është ‘kurthi më i mirë i miut’ proverbial, kjo mund të përmbysë të gjithë konceptin mbi AI-në që ka ndihmuar në nxitjen e tregjeve të aksioneve gjatë dy vjeteve të fundit,” tha Brian Jacobsen i “Annex Wealth Management”. “Kjo mund të nënkuptojë më pak kërkesë për mikroçipa, më pak nevojë për një shtim masiv të prodhimit të energjisë për të ushqyer modelet dhe më pak nevojë për qendra të dhënash në shkallë të gjerë.”

-Advertisement-

Momenti i modelit takohet me “maninë” e tregut.

Dy publikimet e “DeepSeek”-ut – “Janus-Pro-7B” dhe “DeepSeek-R1” vetëm ditë më parë – intensifikuan dyshimet ekzistuese. “Janus-Pro-7B”, një përmirësim i modelit të imazheve të dhjetorit, përdor 72 milionë imazhe sintetike për të arritur atë që zhvilluesit e quajnë “përparime të rëndësishme” si në të kuptuarit multimodal, ashtu edhe në aftësitë e ndjekjes së udhëzimeve për kalimin nga teksti në imazh.

Shifrat e “Silicon Valley e përforcuan alarmin. Investitori në aksionet e kompanive të reja, Marc Andreessen, e quajti ngritjen e “DeepSeek”-ut një “moment ‘Sputnik’-u”, duke e krahasuar atë me satelitin sovjetik që ndezi garën hapësinore.

Subscribe në YouTube: GAZETA INFOKUSI