Sport

De Gea: Jemi me Solskjaer deri në ‘vdekje’

Autori: Gazeta inFokus 14:01 | 27 September 2019

Portieri i Manchester United, David de Gea ka thënë se lojtarët e mbështesin trajnerin, Ole Gunnar Solskjaer.

Solskjaer i ka impresionuar të gjithë në fillim pasi e zëvendësoi Jose Mourinhon, por këtë sezon është në formë të dobët.

Ka spekulime që do të largohet dhe si zëvendësim i tij do të jetë, ish-trajneri i Juventusit, Massimiliano Allegri.

-Advertisement-

Por, spanjolli ka thënë se të gjithë lojtarët janë në mbështetje të teknikut norvegjez, transmeton KosovaPress.

“Solskjaer është pjesë e familjes, ka qenë disa vite këtu si lojtar, e di klubin mirë dhe i gjithë klubi është më të, do të luftojmë më të deri në ‘vdekje’. Është trajner i mirë, andaj do të jemi më të”, deklaroi ai.

De Gea gjithashtu tregoi arsyen se pse e vazhdoi kontratën, pasi ishte i lidhur me një transferim në Real Madrid.

“Është klub special, më i madhi në Angli, jam i lumtur që kam qenë në këtë klub për disa vite. Kishim disa vite të vështira, por ne jemi këtu dhe do të provojmë të ndihmojmë. Shpresoj të arrij shumë gjëra të mëdha në këto vite”, përfundoi ai.

Subscribe në YouTube: GAZETA INFOKUSI