Sport

De Biasi: Më pëlqeu mënyra se si luajti ekipi kundër Real Madridit

Autori: Gazeta inFokus 14:21 | 25 September 2017

De Biasi ka treguar se ka shikuar me vëmendje ndeshjen Alaves – Real Madrid, ku triumfuan këta të fundit 1:2.

Ish trajneri i Kombëtares shqiptare, Giani de Biasi, është prezantuar te Deportivo Alaves, me të cilën skuadër do të nisë aventurën këtë vikend në udhëtim te Levante, shkruan Gazeta Express.

Para gazetarëve, De Biasi tha se për t’i arritur objektivat, duhet të jenë të bashkuar dhe të luftojnë së bashku.

-Advertisement-

Ai gjithashtu tregoi se ka parë ndeshjen me Real Madridin ku skuadra e tij e re humbi 2:1.

Por, pavarësisht humbjes, ish trajneri i Shqipërisë ka mbetur i kënaqur me paraqitjen e djelmoshave.

“Më pëlqeu mënyra se si luajti ekipi ndaj Real Madridit, me intensitet dhe dëshirë”, u shpreh De Biasi.

“Ishim të pafat pasi goditën dy herë shtyllën. Duhet të tregohemi të mençur dhe të jemi më të zgjuar se kundërshtari”.

“Kemi nevojë që lojtarët të japin më shumë nga ajo se çfarë kanë bërë deri më tani, të gjithë e nisin nga zeroja”, deklaroi mes tjerash De Biasi. /Gazeta Express/

Subscribe në YouTube: GAZETA INFOKUSI