Lajme

DASh këshillon të gjithë amerikanët jashtë shtetit “të kenë kujdes të shtuar”

Autori: Gazeta inFokus 19:38 | 19 October 2023

Departamenti Amerikan i Shtetit lëshoi një paralajmërim të rrallë, mbarëbotëror të enjten për të këshilluar të gjithë qytetarët amerikanë jashtë vendit “të ushtrojnë kujdes të shtuar”, duke përmendur “tensionet e rritura në vende të ndryshme në mbarë botën, potencialin për sulme terroriste, demonstrata ose veprime të dhunshme kundër qytetarëve amerikanë dhe interesave”.

Alarmi vie pasi protestat kanë shpërthyer në të gjithë Lindjen e Mesme në kundërpërgjigje të luftës Izrael-Hamas, me shumë demonstrues që synojnë komplekset diplomatike amerikane.

Departamenti i Shtetit ka ngritur në nivelin më të lartë këshillimin e udhëtimit për Libanin dhe Izraelin dhe ka autorizuar personelin jourgjent të qeverisë amerikane dhe anëtarët e familjeve të tyre që të largohen, shkruan CNN, transmeton Klankosova.tv.

-Advertisement-

Departamenti i Shtetit lëshoi për herë të fundit këtë lloj alarmi në gusht 2022 pas vrasjes së liderit të al-Kaedës, Ayman al-Zawahiri, duke paralajmëruar se “përkrahësit e al-Kaidës, ose organizatat terroriste të lidhura me të, mund të kërkojnë të sulmojnë objektet e ShBA-së , personelit ose qytetarëve”.

Subscribe në YouTube: GAZETA INFOKUSI