Sport

Dardanet nisi përgatitjet për kualifikimet e Kupës së Botës 2025

Autori: Gazeta inFokus 14:59 | 21 Tetor 2024

Kombëtarja e Kosovës në hendboll (Femrat), sot nis grumbullimin për kualifikueset e Kupës së Botës 2025.

Dardanet sipas Federatës së Hendbollit të Kosovës, do të grumbullohen në Luksemburg, aty ku hendbollistet do të qëndrojnë deri të enjten.

“Në fakt disa prej hendbollisteve kanë udhëtuar që të dielën drejt Luksemburgut. Për shkak të afërsisë me vendet ku luajnë lojtaret si dhe me vendin ku zhvillohen ndeshjet, është vendosur që ky grumbullim të jetë në Luksemburg. Të enjten Kombëtarja udhëton për në Hasselt të Belgjikës, ku zhvillohet turneu i Grupit 2 të fazës së parë kualifikues për Kupën e Botës 2025”, thuhet në njoftimin e FHK-së.

-Advertisement-

Sipas këtij njoftimi, të premten prej orës 20:00 vajzat tona përballen me Belgjikën, derisa të shtunën prej orës 18:00 Kosova sfidon Bosnjë-Hercegovinën, ndërsa të dielën prej orës 16:00 takohen Bosnjë-Hercegovina e Belgjika.

Synimi i Kombëtares sonë është i qartë – fitorja në të dy ndeshjet dhe kualifikimi tutje.

Forma e lojtareve tona në klubet e tyre jep shpresë të madhe për sukses në këtë cikël kualifikues.