Sport

“Dardanët”: Djelmoshat e Kosovës kanë nevojë për përkrahjen tonë

Autori: Gazeta inFokus 18:12 | 10 November 2017

“Dardanët” kërkojnë përkrahjen e tifozëve shqiptarë të hënën në “Adem Jashari”.

Tifo Grupi “Dardanët”, kanë kërkuar nga gjithë futbolldashësit që të hënën të pushtojnë Mitrovicën për të përkrahur Kosovën në miqësoren kundër Letonisë, e para në shtëpi pas 10 ndeshjeve të zhvilluara jashtë Kosovës në eliminatoret për Botërorin “Rusia 2018”.

Përmes një postimi në rrjetet sociale, ata kanë bërë gjithashtu të ditur se do të ketë ulje të çmimit të biletës për të gjithë tifozët që janë të pajisur me kartelë të anëtarësisë, shkruan Gazeta Express.

Postimi i plote

-Advertisement-

Të hënën, me 13 nëntor, më në fund Kosova jonë luan në vendin tonë. Të hënën, në Mitrovicë, në Stadiuimin Olimpik ‘Adem Jashari’ Kosova pret Letoninë.

Atë që e kemi pritur një kohë të gjatë, të mund të përcjellim ndeshjet e Kosovës në stadiumet në Kosovë, tani po nodh. ‘Dardanët’ si gjithmonë, do të jenë përkrah djemve tanë.

Kosova kaloi një cikël shumë tëvështirë të eliminatorëve për Rusia 2018. Tani fillon një cikël i ri. Djelmoshat tanë kanë nevojë për përkrahjen tonë. Djemtë e Kosovës e meritojnë.

Ftojmë të gjithë futbolldashësit, të jemi së bashku të hënën në Mitrovicë. Të kënaqemi me lojën dhe t’i brohorisim Kosovës sonë.

Për Kosovën, të hënën në Mitrovicë.

Subscribe në YouTube: GAZETA INFOKUSI