Lajme

Danimarka dërgon pajisje ushtarake në Kiev para ofensivës së pranverës

Autori: Gazeta inFokus 08:40 | 03 May 2023

Danimarka po i jep Ukrainës një paketë pajisjesh ushtarake përderisa Kievi po përgatit një ofensivë për të rimarrë tokën e pushtuar nga Rusia.

Paketa, me vlerë 1.7 miliardë korona daneze (250 milionë dollarë), përfshin automjete të çminimit , municione dhe para për prokurimin e pajisjeve të mbrojtjes ajrore, sipas Ministrisë Daneze të Mbrojtjes.

Paketa synon të forcojë aftësinë e Ukrainës për të kryer një ofensivë në muajt e ardhshëm, tha ministria në deklaratën e saj.

-Advertisement-

Kjo është paketa më e madhe që i është dhënë Ukrainës nga një anëtar skandinav i BE-së që nga fillimi i luftës.

Danimarka e ka mbështetur vazhdimisht Ukrainën, duke ofruar ndihmë ushtarake dhe financiare që kur Kremlini nisi pushtimin e tij të plotë në shkurt 2022.

Danimarka gjithashtu planifikon t’i ofrojë NATO-s një batalion me 700 deri në 1.200 ushtarë për të mbrojtur shtetet baltike nga mesi i vitit 2024, thanë përfaqësues të qeverisë daneze. /REL

Subscribe në YouTube: GAZETA INFOKUSI