Lajme

Danev: Qeveria për vetëm 88 ditë shtoi borxh prej 145 milionë euro

Autori: Gazeta inFokus 18:35 | 27 August 2017

Qeveria me LSDM në krye për vetëm 88 ditë arriti të krijojë borxh prej 145 milionë euro për Republikën e Maqedonisë, tha sot në konferencë për shtyp, Dragan Danev nga OBRM-PDUKM.

Përveç kësaj shume borxh të krijuar, ata tërhoqën edhe plotë 177 milionë euro nga rezervat e shtetit, që janë mbi 320 milionë për tre muaj për të cilat askush nuk di se ku kanë përfunduar, theksoi Danev.

Sipas tij, LSDM për të mbuluar zbrazëtirën financiare që po krijojnë do të fillojë me aksion të ngritjes së tatimeve. Ai vazhdoi duke thënë se nga media të afërta me pushtetin janë dëgjuar paralajmërime se deri në fund të vitit mund të pritet vendosja e tatimit progresiv, që do të nënkuptonte goditje shtesë mbi ekonominë që më së shumti do të ndjehet tek biznesi i madh dhe i mesëm, të cilët falë politikave ekonomike të OBRM-PDUKM dhe tatimeve të ulëta kanë mbijetuar dhe japin vende pune për mijëra qytetarë, tha Danev.

-Advertisement-

Vendosja e tatimit progresiv, theksoi ai, do të nënkuptojë më pak para në biznes, më pak mjete për riinvestim në pajisje të reja, sipërmarrës të pasigurtë dhe më pak vende pune./Telegrafi/

Subscribe në YouTube: GAZETA INFOKUSI