Sport

Dallku flet para përballjes me Llapin

Autori: Gazeta inFokus 15:47 | 17 February 2018

Futbollisti i FC Prishtinës Armend Dallku ka kërkuar nga bashkëlojtaët e tij të kenë vazhdimësi të rezultateve pozitive, shkruan infokusi.

“Është kjo ndeshje e radhës për ne. Nuk e mendoj se është ndeshje vendimtare për vazhdimësi të kampionatit, sepse është një ndeshje që është vetëm fillimi i gjysmëstinorit të dytë. Normalisht ne si në çdo ndeshje hyjmë vetëm për fitore dhe shpresoj e besoj shumë se do t’ia dalim të fitojmë. Por, e përsëris nuk është kjo ndeshje që vendos gjithçka, as për ne as për Llapin, sepse në vazhdim ka edhe shumë lojë”, ka thënë Dallku.

“Ne jemi përgatitur maksimalisht, sidomos pas ndeshjes së Kupës ku u pa dëshira dhe disponimi mjaft e mirë. Shpresoj t’i kemi edhe tifozët tanë afër nesh, sepse kanë paralajmëruar, e pse jo edhe nga qytetet tjera, sepse do të jetë ndeshje derbi. Pra, pres të kemi vazhdimësi të rezultateve pozitive dhe të arrijmë qëllimet tona ku është edhe synimi i gjithë neve”, tha kapiteni, Armend Dallku. /INFOKUSI.COM

-Advertisement-