Lajme

Daka: Anëtarët pa mandat, pozitë e çuditshme

Autori: Gazeta inFokus 15:29 | 15 May 2018

Tash e disa javë shumica e anëtarëve të Komisionit Qendror të Zgjedhjeve janë pa mandat, shkruan Infokusi.com.

E këtë gjendje kryetarja e KQZ-së, Valdete Daka e ka quajtur të çuditshme.

“KQZ ka mbet në pozitë të çuditshme sepse nuk na ka ndodhë asnjëherë mos me pas KQZ funksionale”, ka thënë Daka.

-Advertisement-

Infokusi ka kohë më parë ka raportuar për skadimin e mandatit të anëtarëve të KQZ-së.

Derisa njohës të çështjeve kushtetuese e kanë quajtur si antikushtetues, ish anëtarët e KQZ-së që përfaqësonin partitë politike kanë shprehur qëndrime të ndryshme rreth vonesës së emërimit.

Madje disa nga to tashmë edhe i kanë përzgjedhur përfaqësuesit e tyre ndërsa po presin nga presidenti i vendit të fillojë procedurat për emërimin e anëtareve të ri.

Ish-anëtari i KQZ-së, Adnan Rrustemi i kontaktuar nga Infoksi ka deklaruar se do të rikandidohet ndërsa veç tij VV do të ketë edhe një anëtar tjetër.

‘Tashmë, Lëvizja Vetëvendosje ka bërë nominimin e dy anëtarëve të KQZ-së që do të përfaqësojnë Lëvizjen Vetëvendosje, njëri nga të cilët jam edhe unë. Procedura tashmë ka filluar edhe nga Presidenca. Në jemi në fazën e kompletimit të dokumentacioneve mbështetëse siç e parasheh ligji për zgjedhjet, si dhe të kërkuara edhe nga Presidenca dhe presim që shumë shpejt dhe brenda afatit të përcaktuar me ligj të konfirmohen si anëtarë të KQZ”, ka thënë Rrustemi.

Ndërsa ish-përfaqësuesit e AAK-së e PDK-së janë deklaruar se ende nuk kanë mbajtur mbledhje partiake për zgjedhjen e përfaqësuesve të tyre në KQZ./INFOKUSI

Subscribe në YouTube: GAZETA INFOKUSI