Lajme

Daçiqi vazhdon me provokime: shqiptarët nuk janë forcë që duhet frikësuar!

Autori: Gazeta inFokus 11:17 | 30 April 2017

Ministri i Punëve të Jashtme të Serbisë Ivica Daçiqi ka deklaruar që të gjitha deklaratat e politikanëve shqiptarë nga Serbia e Kosova për Shqipërinë e Madhe nuk janë të drejtuara kundër Beogradit por kundër Brukselit.

“Shqiptarët po luajnë me çdo gjë dhe asgjë, bëjnë bllofe me deklarata që janë të drejtuara karshi Brukselit e jo Beogradit… nëse s’na pranoni në BE dot ë shkaktojmë konflikt”, ka thënë Daçiq sot në TV Pink të Beogradit, raporton Gazeta Blic.

Ai ka thënë që për këtë shkak e pyet Brukselin kë e respekton ky kryeqytet, ata që janë për paqe apo ata që shkaktojnë trazira.

-Advertisement-

“Për këtë shkak e pyes Brukselin: a e çmoni vendin që sjell paqe apo atë që shkakton konflikte”, ka thënë Daçiqi, raporton Gazeta Blic.

Daçiq ka thënë poashtu se Beogradi dëshiron që të vazhdohet dialogu me Prishtinën.

Ai është shprehur se nuk duhej ndërprerë dialogu për shkak të Ramush Haradinajt.

“Ne duam të vazhdojmë dialogun dhe mendojmë se ndërprerja e tij ishte një vendim jo i drejtë për shkak të Haradinajt”, ka thënë Daçiqi.

Daçiqi pokështu ka thënë që shqiptarët nuk janë “fuqi nga e cila duhet të frikësohet dikush” duke shtuar që Serbia me siguri është duke u sjellur mençur që s’po reagon ndaj provokimeve të shqiptarëve.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme