Lajme

Daçiq: Së shpejti do të qartësohet statusi i qendrës ruse në Nish

Autori: Gazeta inFokus 14:32 | 21 July 2017

Ministri i Jashtëm i Serbisë, Ivica Daçiq, tha se statusi i një qendre ruse në qytetin Nish do të qartësohet shpejt.Daçiq i tha së përditshmes serbe “Veçernje Novosti” se Beogradi do të vendosë shpejt nëse do t’i japë ose jo statusin diplomatik stafit të Qendrës Humanitare Ruso-Serbe.

Ai tha se personalisht nuk e përkrah idenë.

Komentet e Daçiqit vijnë tri ditë pasi presidenti i Serbisë, Aleksandar Vuçiq, ka takuar nënpresidentin amerikan, Mike Pence, në Uashington.

-Advertisement-

Bisedimet e tyre kanë prekur edhe lidhjet e Serbisë me Rusinë.

Stafi në qendrën ruso-serbe ka thënë se dëshiron statusin e njëjtë diplomatik sikurse stafi i NATO-s në Serbi.

Kur kjo qendër është themeluar në vitin 2012, zyrtarët rusë kanë thënë se qëllim i tyre është të ndihmojnë në trajtimin e katastrofave natyrore dhe se nuk kanë qëllime politike.

Zëvendësi i ndihmësit të sekretarit amerikan të Shtetit, Hoyt Britan Yee, ka thënë në muajin maj se qendra mund të ketë motive të tjera, si ndikimi në opinionin publik.

Subscribe në YouTube: GAZETA INFOKUSI