Sport

Courtois gati për kthimin në Madrid

Autori: Gazeta inFokus 17:32 | 25 September 2017

Thibaut Courtois një prej portierëve më të mirë në Europë, pritet ta bëjë rikthimin e parë në Madrid, transmeton IndeksOnline.

Skuadra e Chelseat do të udhëtoj për në Madrid nesër për t’u përballur me Atletico Madridin të mërkurën në fazën e grupeve të Ligës së Kampionëve.

Courtois ish-portieri i Atleticos është tejet i lumtur që do të kthehet në Madrid, por ka “kërcënuar” ish-ekipin me tri pikë.

-Advertisement-

“Do të jetë mirë të luash në stadiumin e ri. Natyrisht ndryshe po të ishte Calderon, por ata kanë pasur nevojë për një stadium të ri. Ka shumë njerëz që kam afër zemrës dhe luajnë atje. Do të jetë e veçantë për mua të kthehem atje, por kësaj radhe shpresoj që do të fitojmë. Do të jetë një mbrëmje shumë e bukur për mua”, ka thënë Courtois.

Courtois do të marrë një pritje të ngrohët nga kthimi në Madrid, një tjetër lojtar që ka gjasa të marrë një pritje të ngjashme do të jetë Morata, i cili u transferua në “Stamford Bridge” nga rivalët kryesor të Atleticos, Real./IndeksOnline/

Subscribe në YouTube: GAZETA INFOKUSI