Lajme

Çka po paralajmërojnë tre deputetët ‘rebel’ të LVV-së?!

Autori: Gazeta inFokus 11:37 | 18 January 2023

Tre deputetët e Vetëvendosjes, Eman Rrahmani, Visa Korenica e Gramos Agusholli e kanë publikuar një fotografi, me një mbishkrimin ‘provokues’.

“Po e fillojmë një vit “INTERESANT” në Kuvendin e Republikës së Kosovës!”, ka shkruar Rrahmani në mbishkrimin e fotografisë së publikuar në rrjetet sociale.

Ndryshe, Rrahmani, Korenica dhe një pjesë e deputetëve të Vetëvendosjes kanë pasur përplasje me liderin e VV-së, Albin Kurti për faktin se ata kanë dalë kategorik kundët Kodit Civil.

-Advertisement-

Madje, ata edhe publikisht janë ankuar se për shkak të këtij qëndrimi për Kodin Civil është hakmarrë kryeministri Kurti.

Deputeti i Lëvizjes Vetëvendosje, Visar Korenica, pasi është larguar nga pozita e Koordinatorit të Qendrës së kësaj partie në Rahovec, ka theksua se kjo ka ndodhur për shkak të votës së tij kundër Projektkodit Civil në Kuvendin e Kosovës.

“Po, arsyeja është për shkak të qëndrimit tim ndaj Kodit Civil”, ishte shprehur Korenica.

Ai kishte theksuar se nuk është personi i vetëm i ‘sanksionuar’ në VV për shkak të qëndrimit kundër Kodit Civil, pasi që sipas tij, fatin e njëjtë e kanë pasur edhe disa deputetë tjerë.

“Ka pasur përjashtime edhe në zgjedhjet e fundit të brendshme të disa deputetëve që s’i kanë lejuar të kandidojnë për shkak të votës kundër Kodit Civil”, ka theksuar deputeti i VV-së, Visar Korenica.

Projektkodi Civil nuk ka kaluar në lexim të parë në Kuvendin e Kosovës kur u hodh në votim më 16 mars të këtij viti. 29 vota ishin kundër, 28 për dhe katër deputetë abstenuan. Në momentin e votimit, prezentë në sallë ishin 77 nga 120 deputetë, nga të cilët 16 nuk morën pjesë fare në votim.Pika që deputetët kishin mospajtime ishte neni i cili do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile” ndërmjet personave me gjini të njëjtë.

Subscribe në YouTube: GAZETA INFOKUSI